Kütləvi informasiya vasitələrində artıq indidən "Xəzər Lənkəran”a gətiriləcək futbolçuların bir çoxunun adları hallanır. Rumınya mətbuatı isə az qala rumın çempionatında top qovan bütün futbolçuların ardıcıllıqla adlarını qeyd edərək "Xəzər Lənkəran”a  gələcək futbolçuların siyahısını tərtib edir. Bu işdə həmin futbolçuların məxsus olduqları klubların rəhbərlərinin də maraq dairəsi nəzərə alına bilinər. Amma bu onların işi...

"Xəzər Lənkəran”da isə hər şey nəzarətdədir. Əldə etdiyimiz məlumatlara görə klub rəhbərliyi transfer işləri ilə xüsusi qaydada maraqlanır. Namizəd futbolçular barədə məlumatlar konkretləşir və yaxın günlərdə Palmali rəhbərliyinin iştirakı ilə transfer "bomba”ları partladılacaq. 

Yeni ilin ilk günlərində komandaya gətiriləcək futbolçuların siyahsını saytımızda təqdim etmək fikrindəyik.