Azərbaycan Premyer liqası 13 fevral:

 "Neftçi” – "Xəzər Lənkəran”

Bu oyunda iştirak edərək sevimli komandamıza dəstək olmaq istəyənlərin sayı artmaqdadır. Beləki, bir müddət əvvəl saytımızda Lənkərandan "İkarus” markalı avtobusla paytaxta yollanaraq fevralın 13-də keşiriləcək oyunda "Xəzər Lənkəran”ı qələbəyə səsləmək istəyən bir qrup azarkeşin  barəsində məlumat vermişdik. Görünür digər Lənkəranlı azarkeşlər də komandanı tək buraxmaq istəmirlər. Son günlər bizimlə əlaqə saxlayan fəal azarkeşlərdən əldə etdiyimiz məlumatlara görə fevralın 13-də Lənkəranın müxtəlif yerlərindən bir neçə mikroavtobuslarla və minik avtomobilləri ilə  azarkeşlər payatxt Bakıya yollanacaqlar. Əlimizdə olan məlumatlara əsasən deyə bilərik ki, hələlik "Böyük oyun”da tribunalarda sevimli komandamıza dəstək olmaq istəyənlərin sayı 1000-ə yaxındır. Oyunun başlama saatına qədər bu  rəqəmin 2000 və ya 3000 olacağı da istisna olunmur. Onu da qeyd edək ki, heç bir fan kluba daxil olmayan bu azarkeşlər həmişə olduğu kimi öz hesablarına yolu qət etmək fikrindədirlər.