Azarkeşlər arasında fikir ayrılığı mövcuddur. - 21 Мая 2010 - 12-ci oyunçu azarkeş qrupuun Rəsmi Veb Saytı

Artıq bu günə qədər yaydığımız vərəqələrin azlıq etdiyini görərək, biz daha 1000-ədəd vərəqə hazırlamaq və Lənkəranın müxtəlif yerlərində yaymağa qərar vermişdik.Amma 2-gün ərzində yaydığımız vərəqələrin demək olar ki, hamısı məhv edilib. “Xəzər Lənkəran” azarkeşləri arasında hal hazırda mövcud olan fikir ayrılığı bizi üzməyə bilməz.Beləki,kubokun finalında “Xəzər Lənkəran”a dəstək olmaq istəyən azarkeşlərin sayının az da olsa artdığını qeyd etməklə yanaşı, hələ də minlərlə insanın barışmaz mövqeyi ilə rastlaşdığımızı bildirməliyik.Mayın 15-dəki məğlubiyyət sonrası fəxri prezidentin “azarkeşlər komandanı idarə etmək istəyirlərsə pulumu verisnlər” deməsini unuda bilməyən minlərlə azarkeş bizi vərəqələri yaymaqda qınayırlar.Bizi qınayan azarkeşlər işimizə irad tutarkən, klub sahibinin yuxarıda qeyd olunan sözlərini təkrar edirlər. Hətta vərəqə yayan “12-ci oyunçu” azarkeş qrupu rəhbərliyinin gözü qarşısında, vərəqələrin məhv edilməsinə çalışanlar və əks fikirdə olanlar arasında qarşılıqlı təhqirin, fiziki təzyiqlə davam etməsinə qədər gəlib çıxması halları bir neçə dəfə baş vermişdir.Lakin hadisələrin kəskin xarakter almaması naminə “12-ci”lər belə vəziyyətlərdə geri çəkilərək,vərəqələri şəhərin digər yerlərində yaymaqla məşğul olmuşlar.Buna baxmayaraq çətinliklərlə Lənkəranın demək olar ki,hər yerində qarşılaşmaq mümkündür.Biz insanların "özünə hörmət prinsipi"ni qiymətləndirirk.Amma bütün məsələlərin zor tətbiq edilmədən həll edilməsinin vacibliyini də qeyd etməliyik.Bütün olanları və narazı azarkeş kütləsinin say çoxluğunu,eləcə də baş verə biləcək qarşıdurmaların indidən qarşısını almaq üçün “12-ci oyunçu” azarkeş qrupu, Lənkəranda vərəqə yayılmasına son verdiyini bəyan edir.

“12-ci oyunçu” azarkeş qrupunun təşkilat komitəsi.