Sentyabrın 6-da  "Xəzər Lənkəran”  komandası Lənkəran şəhər olimpiya kompleksinin əsas meydançasında deyil, stadionun ikinci yardımçı meydançasında saat 17:30-da məşqə çıxdı.Məşq qapalı keçirildiyindən biz də azarkeşlərlə birgə məşqi yalnız uzaqdan seyr etməli olduq.Düzdür həmin məsafədən komandanın heyyətində hansı futbolçuların olub olmadığını təyin edə bilməsək də dünənki məşqdə iştirak etməyən Kristian Kabralı bu gün görə bildik.Məşq bitəndən sonra Mirça Rednik stadionun həyətəində daim rastlaşdığımız pişiyi görüb ona tərəf getdi.(Xatırladaq ki,Rednik demək olar ki,hər dəfə məşq bitəndən sonra həmin pişiyə yaxınlaşıb onu tumarlayır).Amma nədənsə bu dəfə  "məstan”  Mirçanın yaxınlaşdığını görüb uzaqlaşdı.Pişiyi seyr edən rumınyalı çalışdırıcı qapı arxasında dayanan azarkeşlərə tərəf baxıb gülümsüdü.Daha sonra arxaya çevrilib hələ də ikinci yardımçı meydançada qalaraq söhbətləşən Amerikalıları səslədi.Uinston Parks,Allan Lalin və Dieqo Souza baş məşqçinin çağırışına dərhal reaksiya verərək bazaya tərəf ilk tərpənən Alim Qurbanovun sırasına düzüldülər.

Sonda əvəzedici heyyətdə və digər yaş qruplarında oynayan uşaqlarını aparmağa gələn valideynlərin avtomobillərindən biri ilə özümüzü interkluba çatdırıb məşq haqda məlumatları tez bir zamanda saytda təqdim etmək  həvəsimiz də reallaşmayınca, "Fırtınalar Meydanı”nın qarşısından,  ikinci mikrorayon ərazisində yerləşən internetkluba qədər ayaqla gəlməli olduq.Bu da məşq haqda mlumatların saytda gec təqdim olunmasına səbəb oldu.

Rednikdən küsən pişik...