"Bakı” nın futbolçusu Əziz Quliyev mətbuata verdiyi müsahibəsində belə deyib : "Bizim üçün fərqi yoxdur qapıda kim qalır, Kamran Ağayev və ya Oliver Kan. Biz qol vurmalıyıq.”

Əziz Quliyev futbolçudur, futbolçular isə sözlərini meydanda deyirlər. O səbəbdən də Quliyevin dediklərinin xırdalıqlarına getməməyi məsləhət bildik.

Amma o elə bir klubun futbolçusudur ki, orada ləyaqət hissi may ayında ayaqlar altına atılıb, ləkəli kubokun düz ləkə düşən yerindən öpüblər...

"Bakı” klubu hamılıqla həmin ləkəli kuboka sahib çıxanda sevinərkən  öz  loqolarında əks etdirilən həmin  "Qala”dan özünü atan "qız” qədər də olmadılar...

İnanmaq olar ki, "Bakı”nın futbolçuları rəqib komandanın  qapısında kimin dayanmasından asılı olmayaraq qol vurmağa,  bəlkə də necə olursa olsun qol  vurmağa hazırdılar. Amma qolu kişi kimi vurarlar. Ən azı heç olmazsa vurulan  qola kişi kimi sevinərlər. Qazanılan titullar çox olur. Bəziləri qazandıqlarını öpmək üçün elə tələsirlər ki, çaşqınlıqdan  ləkə düşmüş yerdən həvəslə öpürlər...