"Xəzər Lənkəran” komandasının baş məşqçisi Mirça Rednikə açıq məktub.

Cənab Mirça Rednik,bildiyimiz kimi siz uzun illər futbolçu kimi,son 10-ildə isə məşqçi olaraq futbola bağlısınız.İstər futbolçu istərsə də məşqçi karyeranızda dəfələrlə futbolun yazılmayan "Fair-pley” qaydalarına futbolçuların hörmətlə yanaşdığının şahidi olmusunuz.

Oktaybrın 2-də keçiriləcək oyundakı rəqibimiz olan "Bakı” klubu, bu ilin may ayının 23-də keçirilən Azərbaycan kubokunun finalında "Fair-pley” qaydalarına tüpürərək qapımıza qol vurmuşdur.Bir çox futbol mürəxəssislərinin və mətbuatın tələbinə məhəl qoymayaraq hələ indiyə qədər "Bakı” klubu, nəinki biz azarkeşlərdən və "Xəzər Lənkəran” klubundan hətta ölkənin futbol ictiamiətindən də üzr istəməyib.

Düzdür kuboka sahib olaraq avroliqaya vəsiqə qazanan bu klub, sonra UEFA tərəfindən tam başqa səbəbdən cəzaya məruz qalaraq öz cavabını almışdır.Lakin biz hələ də "Bakı” futbol klubunu bağışlamamışıq.

Sizdən də xahişimiz odur ki,oktyabrın 2-də namərd "Bakı” klubunun üzərində möhtəşəm qələbə qazanaraq onların cavabını verəsiniz.

 Hörmətlə:

 "12-ci oyunçu” azarkeş qrupu təşkilt komitəsinin rəhbəri İslam Cabbarlı 30/09/10.

QEYD:Bu məktub "Xəzər Lənkəran" komandasının baş məşqçisi Mirça Rednikə bu gün keçiriləcək məşqdən sonra təqdim olunacaq.