"Böyük  oyun”a kölgə salan məqam kimi qabardılan "Neftçi” klubunun bayrağının yandırılması heç də olduğu kimi  təqdim olunmur.Biz oyun bitəndən dərhal sonra  buna münasibət bildirdik və belə bir addımı bəyənmədiyimizi bidirərək pislədik.Ertəsi gün isə mətbuat vasiətlərində  məhz bayrağın yandırılmasına bunca yer ayrılmasını  gözləmirdik.Əslində  "Neftçi” klubunun atributuna hörmətsizlik edilmişdir və biz heç vaxt belə bir addıma bəraət qazandıra bilmərik.Amma məsələyə birtərəfli yanaşmanı da qəbul etmək də ədalətsizlikdir.Gəlin diqqət yetirək.

Oyun başlayandan sona qədər hər iki klubun trəfdarları biri-birinə qarşı  "xoş gördük” və ya "uğurlar” şüarları səsləndirirdilərmi ?

Məgər bayraq yandırılmamışdan stadiondakı auradan dostluq iyi gəlirdimi ?

Polis və əsgərlər  "Neftçi” fanatlarınn yerini məcburi olaraq dəyişəndə, ağ-qaralarn "Flaq”ı  öz əllərində deyildimi  və o məcburi yer dəyişmə dostluq mesajı idimi ?

Əlbəttəki yox.

Qonaq komandanın fanatları yerli azarkeşləri kağız lentin  atəşinə tutandan sonra,stadionun B sektorundakı azarkeşlər onlara tərəf  irəlilədirlər.O zaman asayiş keşikçiləri qonaqları bir setor əks tərəfə apardı.Həmin vaxtda nə bayraq yandırılmışdı,nə də belə bir fikir  yaranmışdı .Yəni artıq həmin anlarda hər iki tərəf qarşılıqlı nifrətini gizlətmirdi.

Bayrağın yandırılması bir nəfərin işi olduğu halda buna görə  minlərlə insanı günahlandırmaq özü də bayraq yandırmaq qədər pislənəsi əməldir.

"Fırtınalar Meydanı”nda heç bir fan klub,azarkeş qrupu və ya sadə azarkeşlər qabacadan hazırlanmış plan üzrə həmçinin  qrup şəklində bayraq yandırmamışlar.Bu hadisə ani verilən bir qərarla baş vermişdir.Buna görə bütün stadiondakı azarkeşləri və ümumilikdə "Xəzər Lənkəran” azarkeşlərini vəhşi kimi qələmə vermək özü də biabırçılıqdır.

Eyni zamanda bu hal baş verən kimi ildırım sürəti ilə ölkəyə yayılan xəbər, futbola yaxın və ya uzaq insanların müzakirəsinə səbəb oldu.Lənkəranlı azarkeşlərin əleyhinə olan fikirlər sanki öncədən düşünülmüş formada yayıldı. İnternet portalları bunu ümumi müakirəyə buraxdı.Reaksiya da onlar üçün  gözlənilən oldu.

Hətta bir çox insanlar stadionun qapanmasını və cərimələnməsini gündəmə çıxardılar.

Indi biz etmədiyimiz əmələ görə tənqid atəşinə tutuluruqsa ədalət pozulmurmu ?