Ana Səhifə» 2010»Avqust»8 » -belə ola həmişə hey-hey, belə ola həmişə...
01:06
-belə ola həmişə hey-hey, belə ola həmişə...
Mirça Rednikin “Xəzər Lənkəran”a gəldiyi müddət ərzində komanda ilə Lənkəranda keçirdiyi bütün məçqləri izləmişdik.İzlədiyimiz məşqlər haqqında da saytımızda mütəmadi olaraq məlumat verirdik.Bizə inanan azarkeşlər “Fırtınalar Meydanı”na gəldilər və komandaya dəstək oldular.”Fırtınalar Meydanı”ndan isə hamı razılıqla getdi.Azarkeşlər belə bir komanda istəyirdilər.Gəlməyənlər də bundan sonrakı ev oyunlarında yəqin ki, “Xəzər Lənkəran”ımızı tək buraxmayacaqlar.
***************
Hələ oyunun başlamasına bir neçə saat qalmış “Fırtınalar Meydanı”nın qarşısında izdiham var idi.Azarkeşlər sevimli komandanın yeni mövsümdəki ilk ev oyununu izləmək üçün oyunun başlamasına bir neçə saat qalmışdan həyacanlı idilər.Oyun zamanı da gərginlik az olmadı.Amma bu gərginlik azarkeşlərə zövq verdi.Qələbə qazanmağı öz oyunu ilə “Xəzər Lənkəran” komandası, qələbə sevincini çılğınlıqla qeyd etməyi isə azarkeşlər haqq etmişdilər.
****************
Biz “12-ci oyunçu” olaraq yenə 12-rəqəmini tribunadan asdıq və bu dəfə də azarkeşlərə kiçik hədiyyələr verdik.Beləki, “Fırtınalar Meydanı”nın “E”- sektorunda toplaşan gənc azarkeşlərə ağ-yaşıl rəngli qolluqlar hədiyyə etdik.Düzdür bəzi gənc azarkeşlər bu qolluqdan papaq əvəzi də istifadə etdilər.Bu əlbəttə ki,onların istəyidir.Əsas o dur ki, “12-ci oyunçu” olaraq yenə də az da olsa azarkeşlərin qarşısına hədiyyələrlə çıxa bildik. Ən böyük hədiyyəni komandanın futbolçuları etdi,onlar əzmkar oyunları ilə azarkeşləri sevindirdilər.
******************
Premyer liqanın digər oyununda iki paytaxt klubu “Bakı” və “Azal” üz-üzə gəldilər.”Təyyarəçi”lərin qələbə çalması Lənkəranlı azarkeşlərin böyük sevincinə səbəb oldu.Həmin oyunun nəticəsi stadion diktoru tərəfindən elan olunarkən “Fırtınalar Meydanı”na toplaşan azarkeşlər bu xəbəri alqışla qarşıladılar.Ədalətsizlər növbəti dəfə fiaskoya uğramışdılar axı.Bir mahnının sözləridndə deyildiyi kimi:belə ola həmişə hey-hey, belə ola həmişə...
