"Şəfa” stadionunda XVIII tur çərçivəsində keçirilən və "MOİK”  üzərində "Xəzər Lənkəran”ın qazandığı 0:2 hesablı qələbənin sevinci ilə stadionu tərk edən 2000-dən çox olan Lənkəranlı fanatlar, çıxışda həmin tur "Bakı” üzərində çətin qələbədən sonra Tofiq Bəhramov adına stadiondan qayıdan "İnter” klubu və azarkeşləri ilə dolu olan avtobusun qarşısını kəsdilər. Bu, qardaşlıq münasibətində olan "İnter” klubunu və onun azarkeşlərini qələbə münasibəti ilə çılğın bir təbriketmə mərasiminə çevrildi. "İnter” komandası və onun fanatları avtobusdan düşərək bizləri də qələbə münasibəti ilə təbrik edərək qarşılıq verirdilər. Bu həqiqətən də çox gözəl bir mənzərəyə çevrildi. Futbolumuzda nadir rast gəlinən belə bir hadisə həqiqətən də hər iki klubun fanatlarının əsl mənada dost və qardaşlığını göstərən mənzərə idi.

            Bu əvvəlcədən planlaşdırılan bir layihə yox, təbii alınan bir görüşün təəssüratları haqqıda çox danışmaq olar. Görüşdə "İnter” fanatlarının oyunun bitimindən təxminən 30-40 dəqiqə keçməsinə və Tofiq Bəhramov adına stadiondan, "Şəfa” stadionuna qədər yol gəlmələrinə baxmayaraq, üzlərindəki gərgin ifadədən və narahat danışıq tərzindən (sanki oyun haqqında təəssüratlarını sözlə ifadə etməkdə çətinlik çəkirdilər) "Bakı” ilə görüşün necə dramatik keçdiyinin göstəricisi idi.

            Belə çətin qələbəyə görə bir daha "İnter”li qardaşlarımızı təbrik edirik və aşağıda "İnter” fanatlarının özlərinə məxsus saytda bu hadisə ilə bağlı təəssüratlarını da nəzərinizə çatdırırıq:

                                               Cənublu fanatlardan qardaşlıq jesti 

            Dünən Unibank Premyer Liqasının XVIII-ci turu çərçivəsində Tofiq Bəhramov adına Respublika stadfionunda "Bakı” və "İnter” komandaları qarşılaşırdılar. Oyun "İnter” komandasının 2:1 hesablı qələbəsi ilə nəticələndi və "bankirlər” növbəti üç xalı aktivlərinə yazdılar. Lakin oyundan sonra baş verən təqdirəlayiq bir olayla sizləri tanış etmək istəyirəm.   Qarşılaşma bitəndən sonra "İnter”li futbolçular komandanın avtobusuna minib "Şəfa”stadionunda yerləşən bazaya yollandılar. ”Şəfa” stadionuna çatanda avtobus "MOİK” – "Xəzər Lənkəran” oyunundan çıxan cənublu fanatlarla dairəyə alındı. Bunu görən "İnter” komandasının futbolçuları işin nə yerdə olduğunu anlamadılar. Lakin "Xəzər Lənkəran” komandasının azarkeşləri 10 dəqiqə ərzində "İnter” komandasını alqışlara qərq edib,  "Bakı” üzərində qazandıqları qələbə münasibəti ilə təbrik etdilər. Avtobusdan düşən futbolçuları qucaqlayıb alqışlayan cənublu fanatlar oyunçular ilə çox mehribancasına ünsiyyət qururdular. Şəxsən mənim özümlə görüşən cənublu fanatlar məni qələbə münasibəti ilə təbrik edib bu oyunda "İnter”in qə1ələbəsini arzuladıqlarını nəzərimə çatdırdılar.

            "İnter” fanklubunun rəhbərliyi, idarə heyyəti və üzvləri adından "İnter” komandasına göstərdikləri xoş münasibətə görə "Xəzər Lənkəran” komandasının azarkeşlərinə təşşəkkür edib onlara minnətdarlığımızı bildiririk.

                           Allah sizi qardaşlıqdan əskik etməsin!!!

Mənbə: "İnterfan.az”

QEYD: Biz də "12-ci oyunçu" azarkeş qrupu olaraq, "İnter" fanatlarının bu sevincinə şərik oluruq. Onu da demək istəyirik ki, bu dostluq və qardaşlığın təməlinin qoyulmasına görə "12-ci"lər daim fəxarət hissi keçirir.