Sentyabrın 12-də axşam saatlarında Lənkəranın ikinci mikrorayon ərazisində maraqlı hadisə ilə rastlaşdıq.Daha doğrusu, bir neçə azarkeş bizi həmin hadisənin şahidinə çevirdi.Lənkəranlı fəal azarkeşlərdən bir qrupu,  sentyabrın 25-də keçiriləcək  "Xəzər Lənkəran” – "Neftçi” oyununda qonaq azarkeşlər üçün nə az nə çox düz bir ton boranı alıblar.Bu qədər boranını şəxsi maşın qaracına güclə yerləşdirən bu insanlar çox maraqlıdır ki,savadlı və ziyalı insanlardır.Onlar "Böyük oyun” günü heç də aqressiv hərəkətə yol verməyəcəklər.Sadəcə həmin gün paytaxt təmsilçisinin fanatlarına adam başı bir ədəd pulsuz boranı və boranıdan hazırlanan xörəklərlərin və dərmanların reseptləri də təqdim edəcəklər.Yəni, boranının  insana xeyri haqda, qonaq fanatların elmi bilgi almaları üçün xüsusi məlumat kitabçaları da verəcəklər.Məqsədləri isə  "Neftçi”  fanatlarını maarifləndirmək və allahın nemətlərinə hörmətlə yanaşmağa dəvət etməkdir.

Biz də öz növbəmizdə belə bir sivil  addım atan insanları və onların əməllərini alqışlayırıq.