"Fırtınalar Meydanı”nda sentyabrın 25-də yerdəyişmə olacaq...

"12-ci oyunçu” azarkeş qrupunun təşkilat komitəsi bir oyunluq yerini dəyişir.Beləki,yarandığı gündən  "Fırtınalar Meydanı”nın "E” sektorunda daimi məskən salan azarkeş qrupunun təşkilat komitəsi, sentyabrın 25-də keçiriləcək "Xəzər Lənkəran – "Neftçi” oyununda  həmişəki yerində deyil əks tərəfdəki qapının arxasında, yəni  stadionun  "O”  sektorunda məskən salacaq.

Bilindiyi kimi  rəqib komandanın fanatları həmişə bizə yaxın tribunda yerləşdirilirdi.Çünki biz qonaq fanatları alqışla qarşılayıb, eyni qaydada yola salırdıq.Lakin  "Flaqman” fan klubunun təxribat törədərək yerli fəal azarkeşlərin və bizim  ünvanımıza təhqiramiz ifadələr işlədə biləcəyini nəzərə alaraq biz əks tribunanı seçdik.İnternet portallarında və idman qəzetlərində məhz   "12-ci oyunçu”ya qarşı qərəzli çıxışları ilə diqqət çəkən  "Flaqman”  fan klubunun  bu oyunda da sürprizlərlə çıxış edəcəyi inandırıcıdır. Biz beləcə xoşagəlməz hadisələrin yaranmasının, zorakılığın əleyhinə olduğumuzu bir daha göstəririk. "Flaqman” fan klubu ilə konflikt bizim marağımızda deyil və  həmin sektorlarda baş verə biləcək hər hansı bir hadisəyə görə məsuliyyət tamamilə "Flaqman”  fan klubunun üzərinə düşür.