Lənkəranlı azarkeşlər, Azərbaycan  Premyer liqasının fevralın 13-də keçiriləcək "Neftçi” – "Xəzər Lənkəran” oyununa hazırlıqlara  start verdilər.

 Əldə etdiyimiz məlumata görə Lənkəranın ikinci mikrorayon ərazisində cəmləşən və radikallar kimi  tanınan bir qrup "Xəzər Lənkəran” azarkeşi, "Neftçi” – "Xəzər Lənkəran” oyununda iştirak etmək üçün artıq indidən avtobus sifariş ediblər. "İkarus” markalı avtobusda 50-azarkeşin fevralın 13-də səhər saatlarında Lənkərandan Bakıya yola düşəcəyi gözlənilir. Paytaxtda keçirilən "Böyük oyun”ların daimi iştirakçıları olan  və həmişə öz hesablarına mikroavtobuslarla yol qət edən "radikal”lar bu dəfə daha böyük qüvvə ilə sevimli komandanı Bakıda dəstəkləmək fikrindədirlər.