"Flaqman” fan klubunun  "Futbol+” qəzetində  "Neftçi”nin bostanına borani atmılması fikri nəyinki Lənkəran şəhərində, hətta kənd sakinləri arasında da böyük rezonans doğurub.Beləki,bir neçə kənd sakini sentyabrın 25-də keçiriləcək  "Xəzər Lənkəran” – "Neftçi” oyunu günü paytaxt təmsilçisinin fanatlarına  "boranı qonaqlığı” vermək fikrindədir.Biz də bu xəbəri eşitcək məlumatın mənbəyi ilə maraqlandıq və elə bildik ki, "Xəzər Lənkəran”  komandasına məxsus avtobusun bu yaxınlarda daşqalaq edilməsinin əvəzini boranı ilə çıxacaqlar.Yəni, "Neftçi” komandasının yeni avtobusunun şüşələrinin boranı atəşinə tutulacağını düşündük.Lakin bu fərziyyə özünü doğrultmadı.Daha dərindən maraqlandıqda məlum oldu ki, "boranı qonaqlığı” heç də bizim bildiyimiz kimi olmayacaq.Lənkəran bazarında boranının topdan satışı ilə məşğul olan və iki gün əvvəl saytımızda  haqqında yazılan Habil bəyin yardımı ilə qonaqpərvər insanları tapa bildik.Qonaqlıq vermək fikrində olanların xahişini nəzərə alıb qonaqlığın verilmə formasını sürprüz olsun deyə açıqlamırıq.Təkcə onu qeyd edək ki,bu qonaqpərvər insanlar çox böyük ölçüdə olan 20-ədəd boranı alıblar.

Bəlkə də cənub bölgəsində populyar xörəklərdən sayılan boranı plov və qızarmış  balıq bişirib menyünün sonluğuna əlavə  edəcəklər,bəlkə də...

İstənilən halda bu qonaqlığın uzun zamanlar unudulmayacağını deyə bilərik.Elə indidən belə demək olar:-Tələsin,əziz  "Flaqman” çılar, "boranı qonaqlığı” sizi gözləyir...