“Bakı” klubunun avroliqada rəqibi olan “Buduçnost” klubunun rəsmi internet saytındakı şərhlər bölümündə, artıq Azərbaycan kubokunun finalında vurulan ilk qolla bağlı qısa məlumat vermişik. Yaxın bir neçə gün ərzində isə “Bakı” klubuna avroliqada rəqib olan klubun rəsmiləri və fanatları tərəfimizdən yazılaraq hazırlanan rəsmi məktubla da tanış olacaqlar. Bundan əlavə “Fair Play” qaydalarının pozulması nəticəsində vurulan həmin qolun video görüntülərini də izləyəcəklər. Çernoqoriya təmsilçisinə qarşı da “Bakı” komandası eyni addımı atmaq istəyində olarsa rəqib futbolçular qoy buna hazır olsunlar, beləcə biz də ölkəmizin Avropada biyabır olmasının qarşısını almış olarıq.
