"Neftçi” fanatları Lənkərandakı oyunun sonunda  komandalarının qapısında qol görən kimi  skamyaları sındırıb yerli azarkeşlərə atdıqdan sonra Kamran Ağayevi ləkələmək istədilər. Bu işdə onlar  hətta "Neftçi” klubunun prezidentini də aldatmağı bacarmışdılar. O da öz növbəsində Kamranı məzəmmət etmişdi. Amma sonradan Ağayev özü məsələyə aydınlıq gətirdi və şərdən canılnı qurtardı. Ondan sonra "Neftçi” fanatları bayraq yandırılmasını əsas götürüb öz əməllərinə bəraət qazandırmağa çalışdılar. Bu da onlarda alındı, axı  futbol ictimaiəti, futbol veteranları və  mətbuat aldanmışdı.

   Son turda "Neftçi” fanatları  "Turan”ın qapıçısını qaraladılar. Maraqlıdır ki, həmin oyunda da sevimli komandalarının qapısında son dəqiqələrdə qol görmüşdülər. Matç bitən kimi "Turan”ın qapıçısı ilə "Neftçi” fanatları arasında gərginlik yaşanmışdı.

Paytaxt klubunun fanatları iddia edirlər ki, güya "Turan”ın qapıçısı onlara qeyri etik jestlər göstərmiş və hətta oyundan sonra onların üstünə hücum etmişdir. Bu yazının aşağısında təqdim olunan fotoşəkillərdən aydın şəkildə görünür ki, Tovuz klubunun qapıçısı meydançanın kənarında olan dəmir maneəyə yaxın məsafədə dayanıb. Əgər o qonaq komandanın fanatlıarına hücum edirsə deməli həmin maneəni aşıb təxminən 7-metrə məsafəni adlayaraq tribunaya yaxınlaşmalı idi. Fotolardan görünənlər isə əks fikri deməyə əsas verir. Biz heç bu məsələni də araşdırmaq istəmirik. Sadəcə təbii yaranan bir sualı verməmək olmur ;

"Xəzər Lənkəran” – "Neftçi”  oyunundan sonra öz klublarının prezidentinə yanlış məlumat verənlər bu dəfə də görəsən ev sahibi komandanın qapıçısı haqda Ona xəbər veriblərmi və o da Kamalı məzəmmət edibmi ?

İstənilən halda bu hadisənin bizə aidiyyatı yoxdur. Ağıllı adamlar kənardan durub qiymət verə bilərlər ki, sentyabrın 25-də Lənkəranda yaranan gərginlik və sonda bayraq yandırılması kimin xeyrinə işləyib.

"Futbol+” qəzetinin baş redaktoru bir müddət öncə qəzet səhifəsində "12-ci oyunçu” barədə fikir bildirərkən maraqlı düşüncələrini oxucuları ilə bölmüşdü.

Onun iddialarına görə biz "12-ci oyunçu” olaraq Lənkəranda yaşayan biri narkoman digəri isə alt paltarı satan  2-"Neftçi” fanatını, "Edik” ləqəbli  ruhi xəstə olan "Bakı” klubunun fanatını tapmaqda çətinlik çəkməmişik. Biz bu bacarığımızla belə sentyabrın 25-də Lənkəranda bayrağı yandıran o naməlum şəxsi tapa bilmədik. Axı onu tapıb adını mətbuatdan gizli saxlaya da bilərdik və öz aramızda qınayaraq əməlinin yaxşı olmadığını anlada bilərdik. Amma təəsüf ki, çoxlu cəhdlərimizdən sonra məlum oldu ki, bayraq yandıran ya Lənkəranlı deyil ya da  "Xəzər Lənkəran” azarkeşi deyil. Həmin insanı "Fırtınalar Meydanı”nda cəmi  bir dəfə - həmin oyun  günü görüblər. Onu həmin anda görənlərin hamısı sonradan bizə məlumat verəndə onu ilk dəfə gördüklərini dedilər. Lənkəran isə bir o qədər də böyük deyil ki, bir nəfəri tanıyan olmasın.

İndi bütün bunlara aydınlıq gələndən sonra "İnter” – "Qarabağ” oyunundakı iyrənc alçaldıcı tərbiyəsiz şüarlar,  Kamran Ağayevin ləkələnməsi, bayraq yandırılması əhvalatı və son turdakı  "Turan”ın qapıçısı ilə əlaqədar məsələnin nə demək olduğunu düşünməyə dəyməzmi ?

Belə hadisələrin yaranması kimin xeyrinə işləyir və ya kimlərin reklamına xidmət eidr ?

Cəzasız qaldıqlarına görə  əməllərindən çəkinmədikləri isə göz qabağındadır.

Bunun sonu olacaqmı ?

Buyurun fikir bildirin.

("Neftçi” fanatlarından xahiş olunur ki, şərh yazarkən  etikadan kənar sözlər işlətməsinlər və arqumentlərini ortaya qoymaqla Azərbaycan dilinin gözəlliklərindən yararlansınlar.)

QEYD: Fotolar fanat.az saytından götürülüb.