"Fırtınalar Meydanı”nda oyun öncəsi son məşq.

"Xəzər Lənkəran” – "Turan” oyunu öncəsi hər iki komanda son məşqinə çıxdı. "Xəzər Lənkəran” yardımçı meydançada, "Turan” isə əsas meydançada məşq etdi.

Hər iki tərəfdə əhval ruhiyyənin yüksək olması diqqət çəkirdi. Düzdür qonaq komanda qapalı məşq edirdi, amma biz fürsət tapıb saytımız üçün uzaq məsafədən də olsa bir neçə fotoşəkil çəkə bildik.

"Xəzər Lənkəran” komandasının məşqi bitənə yaxın əvəzedici heyyətin  məşqçisi Samir Ələkbərovla rastlaşdıq. Komandasının məğlubiyəti onun  kefini pozmuşdu. Əvəzedicilərdən söz düşümşkən, Olimpiya kompleksinin əsas meydançasında keçirilən oyunda gənclərimiz məğlub oldu. ”Turan”ın əvəzedicilərinin 2:0-lıq qələbəsi ilə bitən oyun, Yuri Panfilovun gedişindən sonra Samir Ələkbərovun  rəhbərliyi altında keçirilən ilk oyun oldu.

Klub prezidenti Mais Mənsimov həmişəki kimi məşqi komandanın rəisi ilə birgə izləyirdi. İcraçı direktor Höccət Hacıyev  isə öz ənənəsinə sadiq qalaraq stadionun həyətində elə hərəkətdə idi. Ot biçən maşını idarə edənlərə və digər  texniki işçilərə müxtəlif işləri görmək üçün tapşırıqlarını verirdi. Hərdən bir azarkeşlər ona yaxınlaşıb hər dəfə verdikləri sualları ardıcıl yağdırırdılar. O isə bir sualı belə cavabsız qoymurdu. Mühafizəçilərin davranışını da xüsusi qeyd etmək lazımdır. Çünki əvvəllər  mühafizəçilərdən ən çox şikayət edənlər də həmişə biz olmuşuq. Son zamanlar onların azarkeşlərə qarşı münasibəti yaxşı istiqamətdə çox dəyişib.

Məşq bitəndən sonra stadiondan qayıdan azarkeşlərin diqqətini daha bir məqam çəkdi. Beləki, stadiondan uzaqlaşanda  "Futbol+” qəzetinin bölgə müxbiri Hüseyn Cəbrayıloğlunun maşını, onun qarşısında  "xam"lıq edən yaşıl rəngli polis serjantının idarə etdiyi mersedes markalı maşınla az qala toqquşacaqdı. Hadisədən özünü itirən mersedesin sürücüsü maşınını yolun kənarına çəkib narazılıq etdi. Arxadan gələn iki azarkeş isə "-Yol ver də qaqaş, jurnalist adamdır, tələsir də” deyə  serjanta müraciət etdilər. Hüseyn bəy isə həmin anda artıq H.Əliyev küçəsinə tərəf  istiqamət almışdı...

"Xəzər Lənkəran"ın məşqində...

"Turan"ın məşqində...