Bayrağın yandırılmasından yararlananlar kimlərdir, kimlərə bu əhvalat əməlli başlı sərf edir ?

 Günahkarın axtarışı ilə yanaşı bu suallar ətrafında da sentybarın 25-dən axtarışımız davam edirdi.

 Bayrağın yandırıldığı yerdə olan bütün insanlarla söhbət etdik, mobil telefonlardakı görüntüləri izlədik, fotoları diqqətlə analiz etdik, amma "qəhrəman”ın  kim olduğunu  təyin edə bilmədik. Həmin bəd əməl sahibi ilk dəfə  "Fırtınalar Meydanı”na gəlib, bayrağı əsgərlərdən zorla alanlardan biri olub, istəyinə çataraq alıb  yandırıb və dərhal  "Neftçi” fanatlarının yerləşdiyi  tribunaya tərəf yollanıb. Ətrafdakılardan biri hətta ona belə deyib : "lazım deyil, qan düşər o tərəfə getmə”.

 O isə sadəcə bayrağı yandırıb, yarı yanmış bir parçasını da özü ilə aparıb.

Həmin qara rəngli uzun qol köynəkdə olan cüssəli gənci bir də oyundan sonra stadionun çıxışında görüblər. Maraqlıdır ki, bayrağın yarı yanmış parçası hələ də onun

əlində olub.

Premyer liqanın son oyunlarında "Neftçi” fanatlarının  hərəkətləri diqqətimizi çəkdi və axtarışlarımızın mənasız olduğunu anladıq.

 Tovuzda "Turan”ın qapıçısına qarşı hərəkətlə, Bakıda Gəncəli azarkeşlərin söyülüb döyülməsi və nəhayət oktyabrın 30-dakı hadisə ...

Deməli bayraq əhvalatı onlar üçün yaşıl işıq oldu. O gündən "Neftçi” fanatları nə istəyirlərsə edirlər və heç kəs də onların qarşısını ala bilmir və ya almaq istəmir. Axı onlar zərərçəkən sayılırlar. "Neftçi” fanatları istənilən vəhşiliklərinə bəraət qazandırmaq üçün bayrağın yandırılmasını yada salırlar.

Şahidlərin dediyinə görə bayrağın yalnız bir hissəsi yarı yammış vəziyyətdə olub ki, (Bayrağın qalan hissəsi tamamilə yanıbmış)  həmin bir hissə də yandıranın əlində imiş.  

Oyunun ertəsi isə "Neftçi” fanatları əllərində yarı yanmış bayrağın həmin hissəsi ilə "Futbol+” qəzetinin redaksiyasına   gediblər...

 Baxın, bayrağı yandıran naməlum şəxs artıq gedib, oradakı insanlar isə anlaşılmazlıq içindədirlər. Fotoda görünən  insanların heç biri bayraq yandırılmasında iştirak etməyiblər.