"Xəzər Lənkəran”ın məşqində yenə komandanın kapitanı Kamran Ağayev diqqət mərkəzində idi. Qapıçılarla çalışan məşqçi  Hafiz Əliyevin rəhbərliyi ilə Kamran Ağayev, Denis Romanovs və Orxan Sadıxlı komandadan ayrıca məşq edirdilər. Növbə ilə qapıda qalaraq müxtəlif zərbələri dəf edən qapıçılardan yalnız Kamranın səsi eşidilirdi. Qapıdakı yerini gənc qapıçı Orxan Sadıxlıya verən Kamran arxaya çevriləndə günəşli səmada çox çətinliklə seçilən ay-paranı görüb bir neçə dəfə salavat çəkdi. Onun bu vəziyyətdə fotoşəkilini çəkməyə hazırlaşırdıq ki, özü yeni qapıçı əlcəklərinə işarə edərək danışmağa başladı . Bu yaxınlarda, Ağayevin sifarşlə düzəltdirdiyi  butsunun üzərində "Kamran" sözünün yazıldığını saytımızda qeyd etmişdik. Görünür bizim qeydlərimizdən o da xəbərsiz deyilmiş. Bu dəfə o özü yaxınlaşaraq yeni əlcəklərinin üzərində "KAMRAN AGHAYEV”  yazısı oldğunu  göstərdi.

Məşq bitəndən sonra isə saytımzda təqdim edəcəyimiz yazının sərlövhəsinin bir neçə  variantını da təklif etdi. Biz də: "Kamran bəlkə saytımızın redaktoru olasan " deyə təklifimizi  ondan əsirgəmədik və onun təklif etdiyi başlıqlardan ən qısasının üzərində dayandıq.

Daha sonra gənc qapıçı Orxan Sadıxlıdan söz saldıq. O da  Orxanın gələcəkdə güclü qapıçı olacağını bildirdi : " Öz üzərində çalışsa 2-3 ilə mənə çatacaq”

Görünür nəinki qapıda durmanın sirlərini  öyrənməkdə fəal olan, elə dillənməkdə də  Kamrandan geri qalmamağa çalışan Orxan  söhbətə qoşuldu: "Çatacaq ya keçəcək ?..”