Bizə "Neftçi”nin dəstəyi lazım deyil  !

Operativ informasiyalar yaymaq qabiliyyətinə mailk   azarkeş saytının yaradılacağı barədə məlumat vermişdik.

Ölkədə ilk  belə azarkeş saytının   "Xəzər Lənkəran” azarkeşlərinin ixtiyarında olacağı barədə də xəbər vermişdik. Artıq saytın veb versiyasının hazırlanması üçün mütəxəssislərə müraciət etmişik. Ardıyca  saytın  vap verisyası da qurulacaq ki, hər iki versiya 2011-ci ilin ilk günlərində tam hazır olacaq.

Məlumat verdiyimiz kimi saytın fəaliyyətini yüksək səviyyədə qurmaq məqsədi ilə müəyyən avadanlıqların əldə edilməsi üçün "Bank Respublika” və "Bank OF Baku” da hesab nömrələri də açmışıq. Bir çox azarkeşlər bu bank  hesablarına müəyyən məbləğdə pul  köçürmələri  edərək  "Dəstək ol” kompaniyasında iştirak edirlər.

Maraqlısı budur ki, "Dəstək ol” kompaniyasında fəallıq göstərmək istəyənlər  arasında  "Xəzər Lənkəran”ın əzəli rəqibi olan "Neftçi” klubunun fanatlarının  olması və gözlənilməyən qədər  fəallığı daha çox diqqət çəkir.  

"12cioyuncu.com” saytının e-mail ünvanına ardıcıl olaraq göndərilən elektron məktublarda  "Neftçi” klubun fanatları, maddi yardım etmək istəklərini ortaya qoymuşlar. "Neftçi” fanatlarının bu gözlənilməz addımı tərəfimizdən anlaşılmazlıqla qəbul olunur. Eyni zamanda bu hadisə son günlər saytımızda təqdim olunan yazılarla da əlaqəli görünə bilər. Beləki, iki gün öncə  ""Neftçi”  çempion ola bilməyəcək "  sərlövhəli yazının  saytımızda təqdim olunmasından dərhal sonra adı çəkilən klubun  bir sıra üzdə olan  tanınmış fanatı və bəzi fan klub fəalları  "Dəstək ol” kompaniyasına qoşulmaq istəyini elektron məktublarla bidirmiş və beləcə  bu vasitə ilə bizi ələ almağa çalışmışlar. Halbuki biz yalnız "Xəzər Lənkəran” azarkeşlərinə müraciət edərək dəstək olmalarını istəmişdik.

Yeni saytın yaradılması işi ilə  "12-ci oyunçu” azarkeş qrupunun təşkilat komitəsi  məşqul olduğundan ,  bu məsələ ilə bağlı  münasibət bildirmək hüququnu  "12-ci oyunçu”  özündə saxlayır.

Beləliklə,  "12-ci oyunçu” azarkeş qrupu olaraq,  "Dəstək ol” kompaniyasında iştirak etmək istəyində olan  "Neftçi”  tərəfdarlarını dərhal fikirlərindən dönməyə çağırırıq. "Neftçi” klubuna azarkeşlik edənlərə müraciət edərək deyirik ki, bizə sizin maddi yardımınız və ya hər hansı bir köməyiniz lazım deyil. Bu formada həyata keçirilən hiyləgər addımlar tərəfimizdən pislənilir və rədd edilir.

"12-ci oyunçu” azarkeş qrupu.01/12/10