YARDIMLIDA   FUTBOL  BAYRAMI. 

        Azərbaycanda Futbolun İnkişafına dair Dövlət Proqramının həyata keçırilməsi, regionlarda futbolun kütləviliyinə nail olmaq, gənclərin asudə vaxtlarının səmərəli təşkili məqsədilə cənub regionunun dağ rayonlarında bir sıra tədbirlər həyata keçirilir. Bu məqsədlə Lerikdə rayonun təşkil olunan turnirdən sonra Yardımlı rayonunda Azərbaycanın Milli Qəhrəmanı Bəhruz Mənsurovun xatirəsinə həsr ounmuş futbol turnirinin startı verildi. Rayon İcra hakimiyyətinin, Polis şöbəsinin yaxından köməkliyi, Gənclər və İdman İdarəsi və Cənub RFF-nin təşkilatçılığı ilə rayonun müəssisə və təşkilatlarının və eləcə də kənd komandalarinin qatıldığı futbol turnirində 4 qrup üzrə 16 komanda olmaqla mücadiləyə qoşuldular.  Keçirilən oyunların nəticəsinə gorə III yerə rayon polis şöbəsinin komandası tutdu.

        Yarışların final mərhələsi Yardımlıda əsl futbol bayramına çevrildi. 1500-dən yuxarı tamaşaçının izlədiyi final görüşündə rayonun "Bozayran” kənd futbol komandası ilə "Ostayir” kənd futbol komandası arasında gərgin keçən mübarizə birincilərin 2:1 hesablı qələbəsi ilə nəticələndi. Görüşü Cənub RFF-nı təmsil edən PFL-nın  hakimlər briqadası idarə etdilər. Turnirdə I və II yerləri tutan komandalar Gənclər və İdman İdarəsi və Cənub RFF-si tərəfindən kubok,  müvafiq diplomlar və qiymətli hədiyyələrlə mükafatlandırıldılar. Bundan başqa turnir dövründə fərqlənən digər nominasiyalar üzrə mükafatlar da təqdim edildi.

Məlumatı Cənub RFF-nın mətbuat xidməti yayıb.