Ana Səhifə» 2010 » Aprel » 24 » Dramatik oyunda hər şey var idi.
01:32
Dramatik oyunda hər şey var idi.
Ağasəlim Mircavdovun qeyri adi məşqi öz bəhrəsini verəcəkdi,amma Lomaya fantastik qurtarışları ilə planları pozdu.
Kim nə deyir desin "Xəzər Lənkəran" – "İnter" oyunu Azərbaycan premyer liqasına gözəllik gətirdi.Dramatik alınan bu oyun haqda futbol mütəxəssisləri və yazarları fikir bildirəcəklər.Amma onların nə yazacaqlarından asılı olmayaraq deməliyik ki,"Xəzər Lənkəran" matçın ilk yarısında öz əski oyununu göstərdi.Ağasəlim Mircavdov hələ də qocalmadığını bir daha sübut etdi.Aprelin 20-də "Fırtınalar meydanı"nda komandamız qeyri adi məşqə çıxmışdı və bu haqda həmin gün saytımızda təqdim olunan "“Fırtınalar meydanı”nda “Barselona” məşq etdi ? " adlı yazıda məlumat verilmişdi.Bax, həmin gün "Xəzər Lənkəran" bu oyuna belə hazırlaşırdı. Həmin o məşqi görənlər də bilirdilər ki,"İnter"lə oyunda komandamız yalnız hücum futbolu nümayiş etdirəcək və gözəl oynayacaq.Çünki o məşqi yalnız səviyyəli məşqçilər, səviyyəli komandalara keçirlər.
Qayıdaq "İnter"lə oyunda baş verənlərə.Avtoqol komandaya pis təsir etsə də futbolçular yenə də hücumlarını davam etdirirdilər.Nəticədə penalti qazanaraq hesabı bərabərləşdirə bildilər.Əslində qapımıza vurulan avtoqolun səbəbkarı olan Ruslan Poladov ikinci hissədə rəqibin cərimə meydançasında mübarizədə "İnter"in futbolçusu tərəfindən yıxıdılaraq, belə demək mümkünsə öz günahını yudu.Lakin hakim rəqibin qapısına o vaxta qədər artıq bir dəfə penal təyin etdiyindən bu dəfə qorxdu və yalnız cərimə zərbəsi təyin etdi.halbuki,hadisə cərimə meydançasının daxilində baş vermişdi.
Qapımıza vurulan ikinci qol isə "İnter"in futbolçularını ruhlandırdığı qədər komandamızda ruh düşkünlüyü yaratdı.Ümumilikdə qapımız istiqamətində vurulan 9-zərbədən yalnız 4-dənəsi düz qapıya tuşlanmışdı ki,onlardan da ikisi qola çevrildi.Əksinə "İnter"in qapısına tərəf vurulan zərbələrin əksəriyyəti düz qapıya yönəlmişdi.Lakin "İnter"in qapıçısı Lomaya oyunu yüksək səviyyədə keçirtdi desək yəqin ədalətli fikir olardı.İkinci yarıda "İnter"in fəallığı da diqqətdən yayınmadı.Bu komandanın fiziki hazırlığı göz qabağındadır.
Bu oyunda hər şey var idi- bol qollar,avtoqol,penalti və sarı kartlar,möhtəşəm qapıçı qurtarışı,gözəl oyun və sürət,əlbəttə ki,azarkeşlərin şouları.Hər iki komandanın azarkeşlərinə təşəkkür etmək lazımdır,elə hər iki komandanın futbolçuları da ən xoş sözlərə layiqdirlər.
"Xəzər Lənkəran"ın "İnter"lə oyunlarının statistikasında da maraqlı məqamlar vardır.İndiyə qədər 19-dəfə görüşən komandaların hərəsinin hesabında 5-qələbə vardır.Yerdə qalan 9-matç heç-heçə ilə nəticələnib.Vurulan və buraxılan qolların da sayı eynidir 20-20.Aralarındakı oyunların statistik göstəricələri eyni olan hər iki komanda növbəti futbol mövsümünə qədər bir dəfə də ölkə kubokunun finalında rastlaşa bilərlər.Bunun üçün "Xəzər Lənkəran"– "Olimpik"i ,"İnter" isə "Bakı"nı, kubokun yarımfinal mərhələsində iki oyunun nəticəsinə görə keçməlidir.
"Xəzər Lənkəran"la bağlı daha bir maraqlı statistika vardır - "Xəzər Lənkəran" bu futbol mövsümündə keçirdiyi demək olar ki,bütün ev oyunlarında "Fırtınalıar meydanı"nda əlverişsiz hava şəraiti ilə, yəni yağışla rastlaşır.
