Əvəzedicilərin oyununu izləyib  "Fırtınalar Meydanı”na gəldikdə artıq məşq başlamışdı.Bir neçə dəqiqə keçmiş "İnter”in də avtobusu stadionun həyətinə daxil oldu.Biz də təzəcə məşqə baxanlara qoşulmaq istəyirdik ki,birdən komandanın rəisi Səməd Mustafayev baş məşqçi Mirça Rednikin xahişini klubun icraçı direktoru Höccət Hacıyevə çatdırdı.Höccət bəy fəal azarkeşlərə müraciət etdi : "-Baş məşqçi xahiş edir ki,bu dəqiqədən sonra məşq qapalı keçirilsin”.

Daha sonra mühafizəçilərə də tapşırdı ki,nəzakətlə azarkeşləri stadionun həyətindən çıxarsınlar.Azarkeşlər Mirça Rednikin adını eşitcək sakitcə çölə çıxdılar.Bəziləri : "-Nə deyir edərik,təki sabahkı oyunda qalib gəlsin”-deərək etiraz etmədən stadionun həyətini tərk etdilər.

Stadionun arxa qapısının qarşısında dayanaraq uzaqdan  məşqi izlədik. "İnter”in stadionun əsas meydançasında keçirdiyi məşqi də izləmək bizə qismət olmadı.Beləki,paytaxt təmsilçisinin də məşqi qapalı idi.

Saytımızın daimi iştirakçılarından olan Rəşad Xəzərli və onun dostlarını  məşqdə görmək bizə də xoş oldu.