Oktyabrın 16-da Lənkəranın küçələri ilə "Fırtınalar Meydanı”na doğru gedəndə elə düşünürdüm ki,yenə də yanmış ot örtüyünü görüb peşiman şəkildə qayıdacağam.Amma sən demə bir neçə gün ərzində çoxlu işlər görmək olarmış...

Stadionun qapısında məni qarşılayan mühafizəçilər rəhbərlikdən icazə almağı məsləhət gördülər.Beləcə qapı arxasından bir başa telefon əlaqəsi yaradaraq klubun icraçı direktoru və eyni zamanda stadionun direktoru olan Höccət Hacıyevlə əlaqə saxladım.Gözlədiyim kimi müsbət cavab aldıqdan  sonra meydana tərəf bir mühafizəçinin müşaiəti ilə iri addımlarla irəlilədim.

Əvvəlcə kənardan baxanda bir neçə gün bundan öncəki mənzərənin əksini gördüm.Deyəsən burada əməlli başlı iş gedib...

Elə havaların da müəyyən qədər mülayim keçməsi ot örtüyünün cüzi də olsa bərpa olunması üçün əlverişli şərait yaradıb  desək yəqin ki,yerinə düşər. Stadionda çalışanlardan bir neçə nəfər meydançanın kənarında oturub ot örüyünə diqqətlə baxırdılar. Belə başa düşmək olurdu ki,onlar bir neçə saat çalışıblar indi isə istirahət edirlər.Meydançaya diqqətlə baxanda keçən dəfə meydançada rastlaşdığımız  yoncaya oxşar bitkilərin artıq  olmadığını görmək mümkün oldu.

Belə davam edərsə və  meydançanın ot örtüyü getdikcə normal səviyyədə olarsa "Xəzər Lənkəran”ın "Gəncə” ilə səfər oyunundan sonrakı növbəti turda  "Turan”la ev oyunu burada keçirilə bilər.

Qısası özünüz baxıb  qiymət verin.

İslam.