Bir neçə gündür ki,aramsız yağan yağış Lənkəranın müəyyən hissələrində böyük problemlər yaradıb,elə  "Fırtınalar Meydanı”nda da vəziyyət yaxşı deyil.

 Bu gün saat 17:00-da "Fırtınalar Meydanı”na yollandıq.Stadionun mühafizəçilərinin vasitəçiliyi ilə direktor Höccət Hacıyevdən razılıq alıb bir başa ot örtüyünün vəziyyəti ilə maraqlanmaq üçün meydançaya tərəf yollandıq.Gördüyümüz mənzərə  heç də ürək açan olmadı.Fotoşəkilləri çəkib,stadionun ərazisindəki "besedka”da oturan Höccət bəyə yaxınlaşdıq.Bizi ilk maraqlandıran o idi ki,meydançanın bir neçə yerində otun arasında qəribə yonca tipli bitkilər buraya haradan düşüb.Hacıyev məsələyə aydınlıq gətirdi:

"-Keçən ayın 11-də Lənkərançay öz məcrasında çıxıb ətraf ərazini ağuşuna almışdı.Stadion da bizldiyiz kimi sel sularının altında qalmışdı.Baxın bu qəribə ot  bitkiləri də həmin selin yadigarıdır.O vaxt toxumları sel gətirib və indi yağışdan sonra cücərib.Bir neçə gün ardıcıl yağan yağış da olan qalan ot örütyünü məhv edib.Burada əkilən bir neçə ot növləri vardır ki,drinaj sisteminin işləməməsi nəticəsində onlar da yanırlar.”

Bəs drinaj sistemi niyə işləmir ?

 "-Drinaj sisteminin də incəlikləri var,sel buranı basandan sonra sistem də korlanıb.Selin gətirdiyi gil və palçıq drinaj sistemini demək olar ki,sıradan çıxarıb.Meydançadan suyun süzülməsi mümkünsüzləşib.Buna görə də yenicə bərpa etmək istədiyimiz ot örtüyü gözümüzün önündə  yenə məhv olur,ot saralıb yanır.”