"Fırtına” fan klubunun "Böyük oyun”la bağlı bəyanatı.

 Növbəti Böyük oyun artıq geridə qaldı və özündən geridə xoş xatirələr və acı bəhanələr qoyub getdi. Məğlubiyyəti həzm edə bilməyən bəzi rəqib azarkeşlər ölkədə nadirən baş tutan bu böyük futbol bayramına kölgə salmağa cəhd edirlər. Biz "Fırtına" fan klubuyuq. Azərbaycan futbolunda azarkeş mədəniyyətinin lokomotiviyik. Sizin bu süni gündəm yaratma həvəsiniz ancaq qursağınızda qalacaq. "Xəzər Lənkəran"ın fan klubları hər zaman öz təmkinini qorumuşdur və oyunlara mədəni, etik normaları hər zaman diqqətdə saxlayaraq hazırlaşmışdır. İctimaiyyətə car çəkdiyiniz bayraq məsələsi sizin etik normaları saymayıb fan klub olaraq təhqiramiz plakatla Lənkəran insanını təhqir edib, bir də utanmadan televiziyada buna sahib çıxmağınızın meyvəsidir. Bu kimi səviyyəsiz jestlərinizə, hərəkətlərinizə və getdiyiniz hər stadionda ağzınızdan düşməyən söyüşlərinizə sahib çıxmaqdansa hər klubun ən müqəddəs simvolu olan bayrağınıza sahib çıxaydınız. Dəyərlərinizə sahib çıxın. Çıxın ki, dəyərsiz olmasın!!! Flaqman ünvanı alınmışdır, həm meydanda, həm də tribunada!!!