Aşağıda təqdim olunan yazı "Bosman” fan klubunun rəsmi internet saytından götürülmüşdür. "12-ci oyunçu" azarkeş qrupu olaraq biz də təbriklərə qoşulur və bundan sonrakı fəaliyyətlərində qəzetin əməkdaşlarına uğurlar arzulayırıq.

Azərbaycan müstəqilliyini bərpa etdikdən sonra onun idman həyatında və o cümlədən idman mətbuatında yenidənqurma işləri başladi. Sovet idman mətbuatının yerini Müstəqil Azərbaycan Respublikasının idman mətbuatı doldurmağa başladı.

Belə ilk nəşrlərdən biri də "Futbol +” qəzeti oldu. Yarandığı ilk gündən idman həyatını geniş şəkildə, obyektiv, tərəfsiz işıqlandırması ilə fərqlənən bu qəzet, bu gün yaranmasının 13-cü il dönümünü qeyd edir. Ilk nəşrdən bu günə qədər dediyimiz bu keyfiyyətləri öz əsas xətti kimi daim davam etdirən bu qəzet indi ölkədə demək olar bir nömrəli idman nəşri kimi idmansevərlərin dostuna çevrilmişdir. Təsadüfi deyil ki, "Bosman” fanklubu 2009-cu ilin yekunlarına görə müxtəlif nominasiyalarda qaliblər elan etmiş, mətbuat sahəsində də "Futbol+” qəzetini ilin idman qəzeti elan etmişdir.

            Biz onlara bölgə müxbirimiz Hüseyn Cəbrayıloğlunun simasında gələcək işlərində uğurlar, möhkəm can sağlığı, xoşbəxtlik, çoxminli oxucularının hər gün gözlədiyi nəşr olmalarını davam etdirmələrini arzu edirik.

Bir daha 13 yaşınız mübarək!