Dekabrın 8-də Gəncədə "Neftçi”nin bayrağı yandırılacaq ?

Gəncəlilər,  diqqətli  olun !

    Məlum olduğu kimi dekabrın 8-də Azəbaycan kubokunun 1/8-final oyunları çərçivəsində Gəncə şəhər stadionunda "Gəncə” – "Neftçi”  matçı keçiriləcək.  Premyer liqanın X  turu çərçivəsində 23 oktyabr  tarixində keçirilən "Neftçi”  - "Gəncə”  oyununda Gəncəli fanatlar , "Flaqman” fan klubunun üzvləri tərəfindən təhqir edilərək döyüldüyü barədə informasiya vasitələrində məlumat yayılmışdı. "Neftçi” fanatlarının bu vəhşiliyinə cavab olaraq Gəncəli azarkeşlər də əvəzində "Flaqman” fan klubunun üzvlərinin Gəncədə keçirilən oyunlarda iştirak etməmələrini məsləhət görmüşdülər.  

     Son günlər "Neftçi” fanatlarından bir qrupun dekabrın 8-də keçiriləcək kubok oyunu ilə bağlı sürpriz hazırladığı barədə məlumat əldə etmişik. "Flaqman” fan klubuna yaxın mənbənin  verdiyi məlumatda bildirilir ki, kubok oyunun sonunda "Neftçi”nin bayrağı yandırıla bilər. Sentyabrın 25-də Lənkəranda naməlum şəxs tərəfindən bayrağın yandırılmasından sonra bir neçə mətbuat nümayəndəsi də  daxil olmaqla sonradan peşman olan bir çox futbol adamı "Neftçi” fanatlarının hiyləsinə uymuşdu. Eyni hadisənin Gəncədə də baş verəcəyi, ardıyca isə mətbuatın Gəncəli futbolsevərlərə qarşı çıxacağı istisna olunmur. "Neftçi” nin "Flaqman” fan klubunun fəallarından olan bayraq yandıracaq  şəxsin  oyundan bir gün əvvəl dekabrın  7-də  Gəncəyə gedəcəyi də məlum olub. Onun məhz Gəncəli fanatların daha sıx  oturacaqları tribunada yer alacağı və bayrağı yandıraraq dərhal oranı tərk edəcəyi  qabaqcadan hazırlanmış  iyrənc  planın əsas hissəsidir. Bu vasitə ilə "Flaqman”çılar həmin gün stadionda istədiklərini edərək sonda isə ev sahibi komandanın azarkeşlərini günahkar çıxarmaq istəyindədirlər. Axı sentyabrın 25-də Lənkərandakı oyunda bayraq yandırılması olmasaydi oturacaqları sındırıb yerli azarkeşlərə atan "Neftçi”  fanatlarının heç bir bəhanəsi olmayacaqdı.  Beləki,  oturacaqlar sındırılıb yerli azarkeşlərə atılandan və dava dalaş düşəndən 5-dəqiqə sonra bayraq yandırılmışdı. Göründüyü kimi məhz bayraq hadisəsi  sındırılmış 150 oturacağı və xəsarət alan yerli azarkeşin əsaslı ittihamlarını  kölgədə saxladı. 

Gəncəli futbolsevərlərin diqqətli olması lazımdır. "Neftçi” ilə oyunda hər hansı bir xoşa gəlməz hadisə futbol ictimaiətində Gəncəli futbolsevərlərin haqqında qeyri obyektiv fikir formalaşdıra bilər. Bunun üçün ilk növbədə kubok oyunu öncəsi mətbuatda yanlş fikirlərin yayılmasına yol verilməməlidir. Oyun zamanı isə "Neftçi” fanatlarının təxribatlarına uymamaqla iyrənc planların baş tutmamasına nail olmaq mümkündür.

İstənilən halqda biz həmin oyunda və digər matçlarda aqressiv davranmanın əleyhinəyik. Hiyləgər planları ilə ölkənin futbol ictimaiətini çaşdıranların əməllərini də pisləyirik.