Yanvar ayının 27-də gecə saatlarında Türkiyə ilə əlaqə saxlayaraq, Antaliya şəhərində "Qloriya" otelində məskunlaşan sevimli klubumuz barədə yeni xəbərlər əldə etməyə çalışdıq. Geca saat 01:00-da buna nail ola bildik. Əldə etdiyimiz məlumatları olduğu kimi  oxuculara təqdim edirik:

  Vobay Julius yanvarın 27-də "Xəzər Lənkəran”ın düşərgəsində olacaq. Onun keçidində olan bəzi detallar istisna olmaqla, artıq əminliklə demək olar ki, Vobay "Xəzər Lənkəran”ı "Styaua”dan üstün tutdu və komandamızın qələbələri üçün tər tökəcək.  

Futbolu Bundesliqada öyrənən Jeraon Polens, uzun boyu hesabına bütün meydanı hamıdan yaxşı görüb dəyərləndirən  Adrian Mureşan, texnikalı futbolu ilə rəgbət qazanan İbrahim Banqura, hava toplarının qənimi,həmçinin etibarlı müdafiəçi sayılan  Adrian Skarlatake, özünü hələ İtaliyanın "Roma” klubundan tanıtdıran  Adrian Pit ilə "Xəzər Lənkəran” klubu ilkin razılıq əldə edib və adı çəkilən futbolçuların yaxın günlərdə klubla müqavilə bağlayacaqları gözlənilir. Nikolaye Muşat  və Aleks Piturça  haqqında məşqçilər korpusu hələki qəti qərar verməyiblər…

Mirça Rednikin özünə məxsus həyat tərzi var, Beləki, o futbolçularla elə rəftar edir ki, indiyə qədər komandada olmayan yüksək səviyyədə ab hava yarada bilmişdir.

Onu da qeyd edək ki, komandanın düşərgəsinə baxışa yeni futbolçuların gəlişi davam edir. Mirça Rednikin başçılığı ilə məşqçilər korpusu yeni futbolçuları fiziki və taktiki planda baxışdan keçirir, sonda isə məşqçilərin bəyəndikləri və tələbləri ödəyən oyunçular komandanın düşərgəsində qalırlar.