Hörmətli oxucular, biz daim oxucu məktublarını və fəal azarkeşlərin fikirlərini saytımızda təqdim edirik.Bu gün  Sərraf adlı oxucumuz saytımızın e-mail ünvanına məktub göndərib.Məktubu olduğu kimi təqdim edirik.

                   Fanat olmayanın özəl düşüncələri.

Salam, İslam bəy! Tez-tez saytınıza baxıram.Böyük iş görürsünüz.Vaxt darlığına,para azlığına baxmayaraq.Yurdunuza,kluba sevginizi də alqışlayıram.Amma bəzi nüanslar var ki,məni bu yazını yazmağa vadar etdi...”X-L” hamımızındır-mənim, sənin və Onların!Bu səbəbdən gəlin ona ərköyün uşaq münasibəti göstərməyək.Ətraflı təhlil aparaq.Üstün cəhətlərini göstərməklə yanaşı,nöqsanlarını da çəkinmədən bildirək.Mən uzun-uzadı yazmaqla başınızı ağrıtmaq istəmirəm.Amma hamının bildiyi və "X-L”-nın gələcəyini fikirləşənləri daim düşündürən bəzi məqamlara toxunmaq zorundayam.

1-ci məqam.Milyonlarla vəsait qoyulmuş klubun əvəzediciləri(sözə bax!-ƏVƏZEDİCİLƏR) nədən az qala yoldan keçənlərə də uduzurlar? Və niyə klib yaranandan bu günə kimi buradan əsas heyətə bir nəfər də olsun yerli futbolçu cəlb olunmur? Bəlkə bizdə istedad yoxdu? Bəlkə bizdə futbola heç sevgi də yoxdu?! Necə ola bilir, bəyənmədiyimiz ”Neftçi”də,”Qarabağ”da, "Qəbələ”də,”Bakı”da, hətta legioner yığnağı sayılan "İnter”də belə öz yetirmələri oynayır,amma futbola məhəbbətin Xəzər kimi coşub-daşdığı "X-L”-da yox? Niyə? Niyə əvəzedicilərin belə bərbad oyunu araşdırılmır?

2-ci məqam.Mən güclü legionerlərin əleyhinə deyiləm.Əksinə.İstərdim ki, ən güclü legionerlər sevimli klubumuzda oynasın. Bu gənclərimzin inkişafı üçün də güclü örnək olardı.Necə ki,

İ.Svetkov, D.Kalinkov, Juninyo, Dərəlioğlu, Denis Silva, Dieqolar "Xəzər”imizin simvollarına çevrimişdilər.Bəs indi? Mən indiki legionerləri heçdə aşağılamaq fikrim yoxdur.Əsla! Lakin onlar demək olar ki,yerli gənclərdən və bir də digər klublara lazım olmayan (o cümlədən "X-L-a) oyunçulardan qurulmuş komandanın qabağında duruş gətirə bilmirlərsə,onda nə deyəsən?. Dost, sən indiyədək S.Allahquliyev adlı bir qolçunu tanıyırdınmı?.. Bəlkə Gəncədəki oyun bir təsadüf idi komandanın başına gəldi? Onda gəlin, ötən oyunlara bir nəzər salaq.Ən yaxşı oyun hansı klubla baş tutub?Yəqin, siz də etiraz etməzsiniz:”Bakı”yla.Bəs nəticəsi?Cəmi 1 xal.Səbəb ? Qolsuzluq.Komanda ruhunun olmaması.Liderin yoxluğu!

Bax,bunlardır "X-L” kimi böyük klubun qeyri-sabit,inamsız çıxışlarının səbəbləri.

 Dostum İslam, qapıçı zəif oynaya bilər,C. Sultanov "əvəz çıxmaq üçün” dəridən-qabıqdan çıxa bilər,bəs böyük bəh-bəhlə və ya böyük pullarla kluba gətirilənlər məgər Baham adalarına özlərini qaraltmağa gəliblər? Buna nə deyirsən?...

 Mən heç də Gəncə məğlubiyyətini qlobal bir faciəyə çevirmək,komandanı ruhdan salmaq fikrində deyiləm.Bəli,doğru buyurursan ki,belə bir anda hamı oyunçulara dəstək olmalıdır.Mən də səninlə razıyam.Amma bu, baş məşqçi M.Rednik demişkən "dərs olacaqmı?”Təki belə olsun!..

P.S.1 Yerli oyunçulara şans verilməlidir.”Ot kökü üstündə bitər”-sən yazıların birində bu gözəl atalar sözünü işlətmisən. Mən isə sualı bu cür qoymaq istəyirəm:”X-L”-nin kökü varmı?

P.S.2.İ. Svetkov "Pirin”də,E.Baxşıyev,R.Abdullayev,D.Silva Neftçi”də, C.Haşımov, R.Kərimov, D.Ayhan "Qarabağ”da, C.Sultanov "Gəncə”də,T.Şişov Estoniya yığmasında və sairə.Məncə, kifayətdir.

Başını ağrıtdım.Hörmətlə,Sərraf. 18 0ktyabr 2010-cu il.