Qırılma nöqtəsi.

...Təəsüf ki,  hələ də kənardan primitiv, bəlkə də adi görünə biləcək problemlərlə hər gün rastlaşırıq. Bu problemlər bizə,  saytımızda materialları yerləşdirmək işində böyük çətinliklər yaradır. Komandanın ("Xəzər Lənkəran"ın) Lənkəranda keçirdiyi  məşqlərdən sonra saatlarla internet klubları gəzir, məşqdən hazırladığımız yazıları və çəkdiyimiz fotoları saytda təqdim etmək üçün normal yer axtarırıq. Bəzi internet klublarındakı kompyuterlərlə bizim fotoaparatın parametrləri düz gəlmir, bəzi internet məkanlarında çalışanların davranış parametirləri "adam”lığa uyğun gəlmir...

Bir çox internetklublarda oyun oynayan və "tanışlıq”la baş qatan, gələcyi indidən  "parlaq” görünən  bəzi  gənclərin səs küyü, yazının hazır olub sayta ötürülməsi zamanında kəsilən elektrik problemi, internet şəbəkəsinin " itkin gəlini”n  axtarışına çıxarkən  "qəzaya uğraması”  və sair və ilaxır...

Hər dəfə də bir "köhlən” yeniliklə rastlaşırıq. Hər dəfə də bu  "yenilik”lər, əlimizdə olan nə qədər yazıların və fotoların  saytda  verilməməsi ilə nəticələnir. Bunların çarəsini bank hesablarını açaraq, yeni  və daha mükəmməl internet  azarkeş saytının açılması ilə ofisdə çalışmaqla və avadanlığın alınması ilə həll etmək istədik, amma...

Hələlik bu  "amma”  hesabına, bank hesablarımız "qan ağlayır”  və  avadnlıqlar alınması, saytın ofisində qurulmuş komyuterlə  sərbəst çalışmaq arzusu  isə "Neftçi” klubunun dövlətdən asılı olmayan kluba çevrilməsi qədər əlçatmazdır...

Bank hesablarımzda yığılan məbləğə nəinki kompyuter almaq mümkün deyil, hətta  bu məbləğ, kreditlə alınan bir kompyuterin aylıq bank ödənişinə də çatmayacaq qədər azdır...

Müraciət etdiklərimizin bəziləri " Biz də nə var ki, onlarda var axı versinlər də” dedikcə, onların nişan verdikləri  isə " Kimlərin müdafiəsinə qalxırdınızsa onlardan da dəstək istəyin”  cavabını verərək  qarşılıqlı paslaşır və "qapıya vuracaq”  gücü isə heç bir tərəf özündə hiss etmir...

Tərəflər arasında seçilmək iddiasında olanlar isə "necə varsa belə də davam edin” deyə alnımızda hansısa yazını görmüş olduqları düşüncəsindədirlər...

Öz aramızdır, nə yaxşı ki, biz varıq və biz hələki  bu missiyanı üzərimizə götürərək gedirik, harada qırılar- qırılar...

Sağdan, soldan  "Bir saxla” deyən də yox, "Saxla, qarşıda "qırılma nöqtəsi”var !” nidası ilə xəbərdarlıq edən də yox...

Bizdən qarşıda gedə bilən biri də yox ki, ondan soruşaq:  " qarşıda nə var nə yox...”