Cənub futbolunun bir əsrlik tarixindən bəhs edən “ Cənub futbolunun inkişaf tarixi” adlı kitaba İdman Akademiyasının elmi şurasında müzakirə olunaraq, “ bədən tərbiyəsi və idmanın tarixi” kafedrasının elmi işçilərinin verdiyi müsbət rəydən sonra elmi qrif verildiyi haqda bir müddət öncə məlumat vermişdik.2009-cu ilin son günlərində isə futbol azarkeşlərinin maraqla gözlədiyi bu kitabın nəhayət ki,çapdan çıxdığı xəbəri yayıldı..
Xatırladaq ki, 300 səhifədən ibarət kitabda Lənkəranla birgə Cəlilabad, Masallı və Astara rayonlarının da bir əsrə sığan futbol tarixi və tarixi foto şəkillər yer alıb. Müəlliflər Sakin Məmmədzadə və Hüseyn Cəbrayiloglu cənub futbolunun tarixinin 19- cı əsrin əvvəllərinə söykəndiyini tarixi faktlarla sübut etməklə bölgə də futbolun niyə bu qədər sevildiyini də sübut etmiş olurlar.Kitabın yaxın bir neçə günə satışa çıxarılması gözlənilir.Kitabın necə əldə olunması barədə ətraflı məlumatları saytımızda gedəcək növbəti yazılardan biləcəksiniz.