Oyun bərabər səviyyədə keçir.  Komandalar taktiki gedişləri ortaya qoymurlar. Qarşılıqlı ötürmə səhvləri var. Vobay  Julius qapıçı ilə tək-təkbətək çıxdı,  hakim ofsyad  qeydə aldı. Amma orada ofsayd yox idi.

 Ardından "İnter” hücuma keçərkən top qapı xəttindən çıxdı və meydan sahibləri kornerdən topu oyuna daxil etdilər. Elvin Beqiri iki cəhddən topu uzaqlaşdırdı.

QOOOL 

8-ci dəqiqədə....17 nömrəli futbolçumuz Xristuy Kyaku  hesabı açdı...

 Stadiona azarkeşlərin axını davam edir. Artıq "Xəzər Lənkəran" azarkeşlərinin sayı 1500-dən çoxdur.

"Xəzər Lənkəran”ın futbolçusu  Uinston Praks daha bir qol vura bilərdi. Amma "İnter”in müdafiəçisi topu boş qapıdan çıxartdı. Hər iki komandanın futbolçuları sürətli oyuna üstünlük verirlər. Rahid Əmirquliyevin səhvindən sonra meydan sahiblərinin futbolçusu qapımıza güclü zərbə vurdu. Lakin Kamran Ağayev qapını qoruya bildi.

QOOOL

Hücum zamanı top müdafiəçilərdən qayıtdı və əlinə düşən şansı Adrian Pits qaçırmadı. 0:2

Komandamız bu heyətlə meydanda mübarizə aparır:

            1. Ağayev Kamran

            3. Elvin Beqiri

            6. Simao Bruno X

            10. Elnur Abdullayev.

            14. Rahid Əmirquliyev 

            16. Adrian Florin Pit

            17. Xristu Kiaku

             27. Adrian  Skarlatake

             28. Kosmin i Fransinesku

             36.Uinston Parks

              84. Julius Vobay

           Baş məşqçi: Mirça Rednik

 "İnter”in futbolçuları fəallaşıblar. Hücuma keçərək hesab arasındakı fərqi azaltmağa çalışırlar. Lakin müdafiəçilərimiz əzmkar oyunla rəqib hücumlarını dəf edirlər. Hələlik hakimlikdən narazılıq etmək üçün əlimizdə heç bir fakt yoxdur.

Komandamız əvəzetmə:

17-nömrəli Xristu Kyakunu 11-nömrəli futbolçu Andrey Mureşan əvəzlədi.

            "İnter” hücumların sayını artırır. Ardıcıl hücumlardan sonra meydan sahibləri bir neçə dəfə künc zərbəsindən qapıçımızı çətin vəziyyətdə qoymağa çalışsa da hələki hesab 0:2 bizim xeyrimizədir.

******

Qeyd edək ki, bizimlə "Şəfa”stadionundan bir başa telefon əlaqəsi yaradaraq "Bosman” fan klubunun rəhbəri məlumat verir. Biz də Lənkəranda internet klubları gəzərək məlumatları saytda təqdim edirik. Təəsüflər olsun ki, 21-ci əsrdə yaşamağımıza rəğmən demək olar ki, hər gün eyni problemlərlə rastlaşırıq. Beləki, "İnter” – "Xəzər Lənkəran” oyununun birinci hissəsinin sonlarında  Lənkəranın bütün internet klublarında internet şəbəkəsi itdi. Biz də məlumatları saytımnızda vaxtı-vaxtında təqdim edə bilmədik.

******

Fasilə.

 İlk yarıda oyunun hakimlərinin heç bir qərəzli addımları qeydə alınmadı. İlk yarının sonlarında komandamızın cərimə meydançasında rəqibin futbolçusu yıxıldı. Qərəzli hakim olsaydı dərhal penalti təyin edərdi. Lakin ədalət naminə qeyd etməliyik ki, hələlik hakimlərin heç bir qərəzli qərarları olmayıb.

İkinci hissə başladı.

"İnter” hücumlarına davam edir. Futbolçularımız əzmkarlıqla müdafiə olunurlar.

Əks hücumda rəqibi yaxalayan futbolçularımız 3-cü qolu vururlar. Bu dəfə Uinston Parks  fərqləndi.

Azarkeşlərimizin sayı artıq 3000-dən çoxdur.

Başladı...

 Hakim ona  verilən tapşırıqları  yerinə yetirməyə başladı. Qapımıza heç nədən penalti təyin olundu

Qol

Hesab belədir: 1:3

 Hazırda azarkeşlər hakim özabşınalığına etiraz olaraq  oturacaqları sındırıb meydana atırlar.

Elvin Beqirinin cərimə zərbəsindən  vurduğu top qapıdan azca aralı keçdi. Əvəzləmə :

Stelian Stanku meydana daxil oldu.

Dmitriy Kruqlovun sol cinahdan verdiyi təhlükəli ötürməni  Kamran ağayev çətinliklə də olsa götürdü.

Uinston Parks zədələndi və Rednik onu Aleks Piçurka ilə əvəzlədi.

"İnter"in hücumları ara vermir. Kamran bir neçə dəfə qapımçızı qoldan xilas edib.

Əks hücumda bizim futbolçunu yıxdılar. Buna etiraz edən "Xəzər Lənkəran”ın köməkçi məşqçilərdən birini oyunun baş hakimi meydandan qovdu.

Künc zərbəsindən sonra top qapıya vuruldu və Kamran Ağayev tutdu.

 Qapımıza cərimə zərbəsi vurulur. Müdafiəçimizə dəyən top qapı xəttindən çıxdı. Künc zərbəsini Kamran maraqlı tullanışla tutdu.

"İnter” hücumlarını davam edir. Kamranı da keçəndən sonra boş qapıya yönələn topu müdafiəçilərimiz çıxardılar.

Oyun bitdi.

"Xəzər Lənkəran"ın futbolçuları azarkeşlərə tərəf gələrək alqışladılar.