XXI əsrin inkişaf dövründə yaşasaq da bəzən elə gülünc problemlərlə rastlaşırıq ki...

Noyabrın 10-da  "Xəzər Lənkəran”ın məşqindən hazırladığımız yazı və fotorepotajı saytda yerləşdirmək üçün sevincək internet klubların birinə özümüzü çatdırdıq. Bir neçə dəqiqədən sonra internet şəbəkəsi yoxa çıxdı və biz də internet klubarı gəzməyə başladıq. Bu problemlə demək olar ki, Lənkəranın bütün internet klublarında rastlaşdıq. 

Nəhayət şəxsən  tanımadığımız bir  "Xəzər Lənkəran” azarkeşi (sonradan bildik ki, saytımızın daimi izləyicisidir) 3G Data kartını və noutbukunu bir neçə saatlıq ixtiyarımıza verdi. Bu səbəbdən də saytımızda materiyalları çox gec və ixtisarla təqdim edə bilirik.   Beləliklə;

"Xəzər Lənkəran”ın məşqində... (ixtisarla)

Noyabrın 10-da saat 16:15-də "Xəzər Lənkəran” komandası stadionun yardımçı meydançasında məşqə çıxdı.  Bir gün əvvəlki məşqə qatılanlar eyni heyyətlə bu gün də Mirça Rednikin rəhbərliyi altında məşqdə iştirak etdilər. Devid İmedaşvili artıq zədəsini sağaldıb və "Simurq”la oyunda iştirak edə bilməsə də, növbəti oyunda komandaya kömək edə biləcək.

 Allan Lalinin bel ağrıları azalıb, onun sabahkı məşqdə iştirak edəcəyi gözlənilir.

Uinston Parksın cümə günü həkim müayinəsindən keçəndən sonra yaşıl meydana dönəcək vaxtı məlum olacaq.

Tural Cəlilovla qısa söhbətimiz baş tutdu və öyrəndik ki, iki günlük məşqdən sonra özünü yaxşı hiss edir. Turalla söhbətimizin sonunda o öz üzərində çalışdığını və tezliklə formaya düşəcəyinə inandığını bildirdi. 

Klub prezidenti Mais Mənsimov, icraçı direktor Höccət Hacıyev və komandanın rəisi Səməd Mustafayev məşqi birlikdə izlədilər.