Türkiyənin Antaliya şəhərində təlim məşq toplantısında olan "Xəzər Lənkəran”ın baxışa dəvət etdiyi braziliyalı 24 yaşlı qapıçı Dalton Munaretto məşqlər üçün yaradılan şəraitdən və hazırlıq prossesindən razılıq edib. Eyni zamanda o komandada çətin rəqabətlə üzləşəcəyini də göz önünə alır. Belə ki, braziliyalı qapıçı "Xəzər Lənkəran”la müqavilə bağlayarsa komandada millimizin qapıçısı Kamran Ağayevlə mübarizə aparmalı olacaq. Dalton Munaretto: "Əsas qapıçının millinizin də bir nömrəsi olmasını mənə Dieqo Qusmao söylədi. Deməli, güclü qapıçıdır. Mən başımı aşağı salıb məşqçinin tapşırıqlarını həyata keçirəcəyəm. Kimin qapıda duracağına da son anda onlar qərar verir”.