Mənim doğum günümə olan hədiyyənizə, gördüyüm işi dəyərləndirdiyinizə, futbol fəaliyyətimi bu qədər yaxindan izlədiyinizə və maraq göstərdiyinizə görə sizə dərin təşəkkürümü bildirirəm. Xəzər Lənkəran azarkeşləri həmişə futbol sevərliyi, çılğınlığı baxımından diğərlərindən fərqləniblər. Belə azarkeşlər qarşısında futbol oynamaq özü bir şərəfdir. Çünki soyuq, isti havaya baxmayaraq bütün hallarda komandanın yanında olan, onu dəstəkləyən fanatlarının olması hər bir kluba, futbolçuya nəsib olmur. Məhz sizin səslərinizin sayəsində mənə bu yaxınlarda Xəzər Lənkəran klubunun rəsmi internet səhifəsində gedən sorğuda 2009-10-cu illər mövsümünün ilk yarısında klubun ən yaxşı oyunçusu adını verdilər. Bütün bunlar məni daha da həvəsləndirir və işimə məsuliyyətlə yanaşmağıma sövq edir. Çalışacam ki, bundan sonra da oyunlarımla sizin rəğbətinizi qazanım.