Ana Səhifə» 2010»Avqust»11 » Kİmlər gəlir kimlər gedir...
01:33
Kİmlər gəlir kimlər gedir...
“Xəzər-Lənkəran”ın yeni baş məşqçisi Mirça Rednikin Rumıniyada oynayan daha bir futbolçunu transfer etmək niyyəti gerçəkləşib. Apasport.az saytının məlumatına görə, 48 yaşlı mütəxəssis əvvəllər çalışdırdığı Buxarest “Dinamo”sunda forma geyinən Zie Diabatenin transferini gerçəkləşdirib. Rumın həmkarlarımız bu legionerin lənkəranlılarla artıq bir il müddətinə müqavilə bağladığını iddia edirlər.
Xatırladaq ki, hələ 17 gün əvvəl “Xəzər Lənkəran”ın istəyindən xəbərdar olan Rumıniya klubunun rəhbərliyi 21 yaşlı müdafiəçini satmağa hazır olduğunu açıqlamışdı. Elə o vaxt bu barədə məlumat verən apasport.az saytı “Dinamo”nun futbolçusuna 700 min avro qiymət qoyduğunu yazmışdı.
Gənclərdən ibarət Kot D’İvuar yığmasında da oynayan Diabate 5 il əvvəl 17 yaşlılar arasında dünya çempionatının final mərhələsində də iştirak edib. Müdafiənin həm mərkəzində, həm də solunda oynayan Zie “Dinamo”da 2008-ci ilin aprelində debüt edib.
Mənbə:apasport.az
