"Fırtınalar Meydanı”nın ot örtüyü ideal vəziyyətdədir.

 "Xəzər Lənkəran”ın məşqi zamanı stadionun ot örütüyü ilə maraqlanmaq üçün  meydançaya yaxınlaşanda orada bir neçə texniki işçi çalışırdı. Onlar meydançann müxtəlif istiqamətlərində müəyyən işlər görürürdülər. Ən maraqlısı meydançanın ot örtüyünə quşların qonmasına mane olanların elə hey hərəkətdə olması  idi. Sonradan öyrəndik ki, yeni becərilən zərif otları quşlardan qorumaq  lazım olduğundan stadionda çalışan personalın müyyən sayda hissəsi növbəylə bu işlə məşğul olurlar. Çəkiliş zamanı hamılıqla kənara çəkilən işçilərdən bir neçəsi ilə söhbət edib ot örütüyü ilə bir başa kimin məşğul  olduğunu öyrənmək istədik və qəribə cavab aldıq. Sən demə ot örtüyünün bu vəziyyətə gətirilməsi   Höccət  Hacıyevin bir başa zəhməti hesabına olub. Xatırladaq ki, "Fırtınalar Meydanı”nın sentyabr ayında sel sularının altında qalmasından sonra meydança bərbad vəziyyətə düşmüşdü. Bir neçə dəfə otun bərpasına  cəhd ediləndən sonra nəhayət ki, meydançanı  ideal  vəziyyətə gətirmək mümkün olmuşdur. Onu da qeyd edək ki, ot örtüyünə xüsusi qayğı göstərdiyinə və bu cür ideal vəziyyətə gətirdiyinə görə Höccət Hacıyevə biz də azarkeşlər adından təşəkkür etdik.