"Xəzər Lənkəran” futbol klubunda çalışan Boris Xetaqurovun səhhətində problemlərin yarnadığı barədə xəbərlər yayılmışdı.

Məhz bu səbəbdən, Xetaqurov "Xəzər Lənkəran”ın Premyer Liqanın XII turu çərçivəsində noyabrın 6-da səfərdə "Qəbələ” ilə keçirdiyi qarşılaşmaya yollana bilməmişdi.

Boris Xetaqurov  1965-ci ildən 2003-cü ilə qədər "Neftçi”də, 1992-ci ildən 2006-cı ilədək Azərbaycan millisində çalışıb. O, 2004-cü ildən "Xəzər Lənkəran”ın həkimidir. Xetaqurov həm də 1989-cu ildən Azərbaycanın Əməkdar Həkimidir.

Noyabrın 9-da "Xəzər Lənkəran”ın məşqində futbolçuları diqqətlə izləyən Boris Xetaqurovu görüb biz də sevindik: -"Həmişə ayaq üstə, doktor” deyə sevincimizi komandanın doktoruna çatdırdıq. O da cavabında  təşəkkür etdi.