Bu dəfə də Xaqani Məmmədov bizə nağıl danışdı,amma bir az dəyişilmiş formada.Xaqani bəy deyir ki,Lənkəranlı azarkeşlər kordurlar və hakim haqda yalan məlumat yayıblar...

Adım Xaqanidir,soyadım da Məmmədovdur, diqqətinizə çatdırım ki,hakimlər komitəsinin sədri mən deyiləm.Tələbəyəm və haı hazırda işsizəm, amma pulum var,soruşmasanız deməyəcəyəm haradandır.Maraq üçün deyə bilərəm ki,bir ay ərzində iş tapa bilməsəm mən də “Xəzər Lənkəran”ın ev oyunlarına bilet ala bilməyəcəyəm.Niyə bileti misal çəkdim ,ona görə biz Lənkəranlılar çörək pulundan öncə sevimli komandamızın ev oyunlarına bilet almağı fikirləşirik.Ölçü kimi futbol biletini götürmüşük,futbola kişi kimi deyil onun bunun hesabına pulsuz gedənlər məni başa düşməsələr də inciməsinlər.(Bilet pulu olmayanlara aid deyil)

Kuəzinqin nağılı -2.

-Xaqani ,ay Xaqani, başın batsın Xaqani...

Televizorun səsini alıb,pəncərədən boylandım,əsl Lənkəran havası var idi küçədə.

-Sabahın xeyr olsun “filənkəs” xala.

-Səni görüm adaşın kimi qarğış yiyəsi olasan(Adaş deyəndə,HK-sədri X.Məmmədovu nəzərdə tutur),adə bizim evə sənin xaraba qalmışından yenə su axır.Çağır bu usta Hamleti,bir gəlsin baxsın da.

Deyəsən bu dəfə su məsələsi deyil, Hamleti görmək istəyir qoca qarı.Yox yox Hamlet belə adam deyil.

-“Filənkəs” xala,mənim xarabamdan sənin evinə su axırsa,deməli o xaraba suyudur,ehtiyatlı olaa.

-Get özünü dola,ustanı çağır gəlsin hamama da tualetə də baxsın.

Usta Hamlet telefon zəngimə cavab verdi,az keçmədi ki,birlikdə qonşu arvadın evinə getdik.
İş görməyinə söz ola bilməz,ustadır,özü də necə.İşin qiyməti 20-manat olardı,yarıbayrı razılaşdıq və başladım Xəzər Lənkəran və Muğanın əvəzedicilərinin oyunundan danışmağa.Bizim usta həmin oyunu canlı izləmişdi,hakimin nə oyundan çıxdığını da görmüşdü.hakimlər komitəsi və intizam komitəsinin ünvanına birlikdə bir iki söyüş yağdırdıq,ev yiyəsi ərsiz arvaddır deyə səsimizi ucaltmırdıq ki,alə ayıbdır da...

Usta:-Sənin adaşın deyir ki,mən oyunun kasetini izləmişəm,bəs hakim oyunu yüksək səviyyədə idarə edib.Görəsən hansı kasetə baxıb?

-O nağıl danışıre fikir vermə.Televiziya ilə bütün ölkə gördü nə oldu ki,hansı köpəyoğlu səsin çıxartdı. Heç Bəyanatlara,müraciətlərə də baxan olmadı.

Usta:-Köpəyoğlu deyirsən bəs,səs çıxaranlar da oldu axı.

-Onlar kişioğullarıdır.

Usta:-Yoxe bu Xaqani Məmmədov vara...

-Alə onun da sənin də.

Usta:-Necə,necə?

-Allah sənin canına sağlıq versin...işi gördün,yoxsa bu qarının əlində avara qalacaqdım.

Usta:-Hə,belə dedə.

-Usta,bilirsən bu dəfə də Xaqani Məmmədov nağıl danışdı,amma bir az dəyişilmiş formada.Xaqani bəy deyir ki,Lənkəranlı azarkeşlər kordurlar və hakim haqda yalan məlumat yayıblar.Dediyindən dönmür,üstəlik hakimlərə yüksək bal da verilib.Lap kuəzinqinin nağılına oxşayır,inananlar da nə qədər desən var.Nağılın maraqlı yeri budur ki, Lənkəranlı azarkeşlər vəhşi və rəzildirlər..

Usta:-Bunu da o deyib?

-Fərqi nədire,mətbuat demişdi ki, biz vəhşiyik və rəzil hərəkətlər edirik,intizam komitəsi də deyib ki,məşqçi gəlib bizi qabaqcadan öyrədib ki, hakimləri döyək ...Nağılın ardını onlar qoşublar da.

-Ay belə deyənlərin...(Ustanın dediklərini yazmaq olmaz)

Onsuz da son zamanlar Lənkəranda adları çəkilən komitələr haqda olmazın söyüşlər deyilir ki, hamısını toplasaq söyülənlərin bütün nəsillərinə ən azı bir pay düşər.Usta hələ də söyür,mənsə yazını bitirmək istəyirəm deyə, bir kəlmə də öz fikirimi qeyd edim və yekunlaşdırım.
Deyirlər ki,məşqçi əhvalatı sifariş idi,onda mən də bir sifariş vermək istəyirəm,AFFA-ya və PFL-ə.
Pulu nə qədərdir danışarıq da.Bu ayın axırına qədər sifariş götürsələr yaxşı olar,yoxsa ayın axırı pulum qurtaracaq.Tələsin ay sizi belə belə ...

Xaqani Məmmədov LDU-nun tələbəsi.