Sentyabrın 10-dan 11-nə keçən gecə Talış dağlarında yağan aramsız yağışlardan sonra "Lənkərançay”  çayı öz məcrasından çıxmış və ətraf ərazini sel basmışdır.Lənkərançayın yaxınlığında yerləşən  "Xəzər Lənkəran”  stadionu da təbii fəalkətdən zərər çəkib.Hadisə yerinə yalnız  bu gün günorta saatlarına yaxın gedə bildik.Çayın üzərindəki körpüdən baxdıqda hətta görüntülər insanı vahiməyə salırdı.Hadisə baş verən zaman çay suyu körpü ilə bərabər imiş,amma  hal hazırda suyun səviyyəsi aşağı enib.Stadionun həyətinə daxil olanda çalışan insanları gördük,onlar selin özündən sonra saxladığı palçıqları təmizləyirdilər.Stadionun tribunalarının altında yerləşən otaqlar hamısı palçıqla dolu idi.Ərazidə çalışanlar bütün gecəni və bu gün səhərdən təmizlik işləri ilə məşğul olsalar da hələ çoxlu iş görülməlidir.Bütün işlərə klubun icraçı direktoru və stadionun direktoru Höccət Hacıyev rəhbərlik edir.Baş vermiş hadisədən sonra onun hansı vəziyyətdə olduğunu təsvir etmək mümkün deyil.Özünün dediyi kimi ikinci evi olan stadiona dəyən zərər böyükdür.

Bir daha xatırladaq ki,çaya sel gecə saatlarında gəlmiş və çay məcrasından çıxaraq ətraf ərazini həmçinin  "Xəzər Lənkəran” stadionunu basmışdır.

QEYD:Məlumatları saytımızda vaxtında yerləşdirə bilməməyimizin səbəbi Lənkəranda elektirk enerjisinin həmişəkindən daha  çox fasilələrlə verilməsidir ki, bu da əlverişsiz  hava şəraiti ilə əlaqədardır.