Məşq bitəndən sonra Mirça  Rednik həkim və administratorları yenə iki komandaya bölünərək futbol oynamağa dəvət etdi. Bu dəfə onlara komandanın rəisi Səməd Mustafayev də  qoşuldu. Iki komanda arasında maraqlı mübarizə gedirdi, bizim diqqətimizi fiziki hazırlıq üzrə məşqçi Mihay Teja çəkdi. Rednikin səsi ətrafı bürümüşdüsə, Teja daha çox çevikliyi ilə fərqlənirdi. Bu dəfə də deyəsən ən çox texnika nümayiş etdirən komandanın tərcüməçisi Elvar Quliyev oldu. Eyni vaxtda futbolçulardan  Alim Qurbanov və Elvin Beqiri qapıya uzaqdan zərbələr üzərində çalışırdılar. Qapıda gənc qapıçı Orxan Sadıxlı qalırdı. Klub prezidenti Mais Mənsimov və icraçı direktor Höccət Hacıyev də onları sona qədər diqqətlə izlədilər.