Avqustun 19-da keçirilən məşqi çoxlu sayda azarkeş izlədi.Hətta məşq bitəndən sonra da azarkeşlər stadionu tərk etməyib,futbolçularla şəkil çəkdirmək üçün sona qədər  gözlədilər.Sona yaxın isə yenə Kamran Ağayevin iştirakı ilə  zarafatlı dəqiqələr yadda qalan oldu.Beləki,qapılara uzaq məsafədən zərbələri dəqiq vura bilməyən futbolçulara söz atan Kamranın hər atmacasına azarkeşlər xüsusi formada  reaksiya verirdilər.Bu da onu növbəti futbolçuya söz atmağa həvəsləndirirdi.Kamranın hədəfinə tuş gələn futbolçulardan yalnız Rahid Əmirquliyev növbəti cəhdlərdən birində  vurduğu gözəl qolla qapıçıya cavab verib o birilərinin də  əvəzini çıxa bildi.