Premyer Liqanın XVI turunda Tovuza səfər edən "Xəzər Lənkəran" yerli "Turan" komandasını 2:1 hesabı ilə məğlub etdi.

Mirça Rednik, "Xəzər Lənkəran" klubunun baş məşqçisi: "Qarşımızda nizamla oynayan, sonadək mübarizə aparan komanda var idi. "Turan"a qarşı oynamaq çox çətin idi. İstənilən halda 3 xalı qazandıq, qalib gəldik. "Neftçi"nin burada xal itirdiyini və AZAL komandasının bəxt sayəsində burada qalib gəldiyini də unutmamalıyıq. Ola bilsin ki, bəxt də bu gün bizim tərəfimizdə idi. Komandamı qələbə münasibəti ilə təbrik edirəm".

Revaz Dzodzuaşvili, "Turan" klubunun baş məşqçisi: "Komandamızın prezidenti əsasən gənc futbolçulara üstünlük verir. Onların gələcəkdə yaxşı futbolçu olması üçün çalışır. Bu gün çempionluğa iddialı komanda ilə qarşılaşdıq. Komandamız öz potensialını ortaya qoydu, təəssüf ki, qələbə qazana bilmədik. Ümid edirəm ki, gələcək də komandamız belə oynayacaq və qələbə qazanacaq. Hər iki komandaya uğurlar arzulayıram".