2010-cu ildə Azərbaycan futbolunda yaxşı işləri və uğurları ilə seçilənlər, müxtəlif təşkilatlar, informasiya vasitələri və fan klublar tərəfindən elan olundu. Futbol aləmində müxtəlif cəhətləri, çatışmamazlıqları və qeyri adiliyi ilə seçilən şəxslər və ya hadisələr ilin yekununda  az hallarda qabardılır. Bu çətin işin öhdəsindən biz gəlməyə çalışacağıq. Beləliklə:

1. İlin pis adamı: Xaqani Məmmədov, AFFA hakimlər komitəsinin sədri. Çalışdığı illərdə yetişdirdiyi hakimlərin səviyyəsinə, hakim qərəzçiliyini təşkil etdiyinə və ədalətsizlikləri müdafiə etdiyinə görə.

2. İlin yanğını: "Neftçi” klubunun bayrağının yandırılması. 25-sentyabr 2010, Lənkəran şəhəri "Fırtınalar Meydanı”.  Bayraq yandırılması qabaqcadan düşünlümüş addım olmasa da media və "Neftçi” klubu tərəfindən həddən artıq şişirdilmişdi. (qeyd:Yanğını törədən naməlum şəxs hələ də tapılamyıb)

3. İlin vay şivəni: "Neftçi” veteranları klubu. Ağ-qaraların veteranları az qala "Neftçi”nin oyunu günü hava şəraitinin əlverişsiz olmasına da etiraz bəyanatı ilə münasibət bildirməyə hazırdırlar.

4. İlin fərsizi: "Bakı” klubu. Azərbaycan kubokunun finalında vurduğu biabırçı qoldan sonra avroliqada texniki məğlubiyyətə məruz qalmasına  və heyətindəki səviyyəli futbolçuların bolluğuna rəğmən ölkə çempionatındakı uğursuz çıxışına görə.

5. İlin itkisi: Əfqan Həmzəyevin Lənkəranda itirdiyi qələm. 2009-2010 mövsümündə Lənkəranda keçirilən "Xəzər Lənkəran” – "Neftçi” oyununu bərbad idarə edən Həmzəyev, oyun sonrası polis maşınında  başını götürüb qaçan zaman qələmini itimişdi. (Sonradan həmin qələm Lənkəranda hərraca çıxarılmış və 350-manata satılmışdı.)

6. İlin nalbəndi: Gəray Qarayev. İdman Azərbaycan kanalının efirində gedən "Premyer liqa” verilişindəki çıxışları zamanı təzad doğuran fikirlərinə görə. (Gah nala vurur, gah mıxa...)

7. İlin yazığı: Urfan Məmmədli. "Xəzər” tv-nin efirində gedən "Futbol saatı” verilişində məntiqsiz və mənasız  danışıqları hesabına Babək Quliyevin arqumentləri qarşısında  daim yazıq vəziyyətinə düşdüyünə görə.