Ana Səhifə» 2011»Fevral»6 » Mirça Rednik : “Mən azarkeşlər üçün nə lazımdırsa etməyə hazıram...”
22:12
Mirça Rednik : “Mən azarkeşlər üçün nə lazımdırsa etməyə hazıram...”
Mirça
Rednik: "Mən azarkeşlər üçün nə lazımdırsa etməyə hazıram...”
Azərbaycanın
milli qəhrəmanı şəhid Mübariz İbrahimovun xatirəsinə həsr olunan və iki müxtəlif
liqada keçirilən futzal turnirinin final oyunları fevralın 7-də Lənkəran Olimpiya
Mərkəzində keçiriləcək. İlk final oyunu, həvsəkarlar liqasının finalçıları arasında
saat 18:00-da baş tutacaq. Digər final oyunu isə güclülər liqasının iki ən
güclü komandası arasında saat 19:30 keçriləcək. Hər iki oyundan sonra qalib
komandalara kuboklar təqdim olunacaq. Qaliblər
mükafatlandırılandan sonra isə möhtəşəm görüntülərlə müşaiət olunan mərasim
keçiriləcək. Mərasimdə işğal altında olan torpaqlarımız və şəhidlərimiz bir
daha yad ediləcək. Turnirin təşkilatçısı
Vaqif Rəşidovdan əldə etdiyimiz məlumata görə qalib komandalara mükafatları "Xəzər
Lənkəran” komandasının baş məşqçisi Mirça Rednik təqdim edəcək. Bu məsələ ilə
bağlı rumın mütəxəssislə əlaqə saxlayıb məlumatı dəqiqləşdirmək istədik. Rednik
nəinki xəbərin həqiqət olduğunu təsdiq etdi , hətta onunla birgə bu tədbirdə
köməkçi məşqçilərin də iştirak edəcəyini bildridi:
" Mən
azarkeşlər üçün nə lazımdırsa etməyə hazıram, bu turnirin nə qədər mənəvi mənada
əhəmiyyətli olduğunu anlayıram. O səbəbdən də köməkçilərimi də özümlə birgə gətirəcəyəm.”
Biz də
öz növbəmizdə ilk olaraq Mirça Redniki bu addımına görə alqışlayırıq. Eyni zamanda turnirin final oyunlarını və təqdim etmə mərasimini saytımızda
işıqlandırmağa çalışcağıq.
Lənkəranın bütün futbol həvəskarlarını fevralın 7-də saat 18:00-dan
etibarən Lənkəran Olimpiya Mərkəzinə dəvət edirik.
Bu xəbəri saytımızın wap versiyasında da izləyə bilərsiniz wap.12cioyuncu.info
Biz də "Bosman” fanklubu olaraq həm turnirin təşkilatçılarına başda Vaqif Rəşidov olmaqla və həm də baş məşqçimiz Mirça Rednikin bu humanist yanaşmasına görə minnətdarlıq etməyi özümüzə borc bilirik. Bu işdə yardımçı olan hər kəsə Allah köməyiniz olsun deyirik! Allah şəhidlərimizə rəhmət eləsin! Lakin belə dəyərli addımlarla "Şəhidlər ölmür!” deyimi bir daha öz təsdiqini tapmış olur.
Mən fəxr edirəm ki, "Xəzər Lənkəran" azarkeşiyəm ! Mən fəxr edirəm ki, mənim azakeşlik etdiyim komandanın baş məşqçisi Mirça Rednikdir ! O Rednik ki, mənim vətənimin bütövlüyü uğrunda canından keçən şəhidimizin xatirəsinə həsr olunan turnirin qaliblərinə mükafatı verəcək. Sağ olsun Rednik, bravo Rednik ! Mənim şəhidimi yad edən mənim əzizimdir !
