Son günlər saytımızda oxucu şərhlərini izlədikcə bəzi azarkeşlərin ruh düşkünlüyünə qapıldığını görürük.  Bu əsasən "Xəzər Lənkəran”ın təlim məşq toplantısında keçirdiyi oyunlarda uğur qazana bilməməsi ilə əlaqədar da ola bilər. Yoxlama xarakterli oyunların nəticələri heç də bir çox hallarda reallığı əks etdirmir. Beləki, baxışda olan  futbolçuların yoxlanılması ilə davam edən belə oyunlarda qələbə önəmli sayılmamalıdır.

İndi isə gəlin komandadan gedən və komandaya qoşulan yeni futbolçuları müqayisə edək.

 "Xəzər Lənkəran”dan gedən futbolçular:

Denis Romanovs

Adrian İordake

Konstantin Arbanas

Dieqo Ruiz

Xaqani Məmmədov

Asif Məmmədov

Allan Lalin

Ramazan Abbasov

Rodomir Todorov

David İmedaşvili

Kristian Kabral

Yuxarıda adları qeyd olunanlar Mirça Rednikin qış fasiləsi ərəfəsində komandadan uzaqlaşdrdığı futbolçulardır.

Devran Ayhan

Mario Souza

Dmitriy Kramarenko

Bu üç futbolçunu isə baş məşqçi 2010/11 mövsümündən əvvəl komandadan uzaqlaşdrmışdı.

Denis Romanovs , Adrian İordake , Konstantin Arbanas , Dieqo Ruiz - bu dörd futbolçunu Rednik özü komandaya gətirmişdi və onların oyunundan razı qalmadığı üçün geri qaytardı.

Hazırda Antaliyada təlim məşq toplantısında komandaya baxışa gətirilən yeni oyunçular heç də yuxarıda adları çəkilənlərdən zəif deyillər. Əksinə nəzərə alsaq ki, komandaya baxışa gələnlər Rumıniyanın əsas komandalarından gətirlirsə deməli fərq bizi qane edəcək qədərdir. Komandanın düşərgəsinə qatılan futbolçuların bəziləri isə digər ölkələrdən gəliblər. Dalton Munaretto , Vobay Julius , Joren Polens, Adrian Florin Pit, İbrahim Banqura, Adrian Mureşan, Simao Bruno, Aleks Pitruça, Adrian Skarlatake, Xristu Kiyaku, Nikolaye Muşat, Kosmin Françiçesku bu futbolçular  komandadan gedənlərdən güclüdürlər. Mihay Dinanının da komandaya qatılacağını qeyd edək.

Bir müddət əvvəl Allan Lalinin boşa verdiyi qol vəziyyətlərini, Denis Romanovsun qapısında gördüyü biabırçı topları, Konstantin  Arbanasın zəif oyununu, Dieqo Ruisin topla rəftarında gülməli məqamları, Kristian Kabralın əyri ötürmələrini , Xaqani Məmmədovu, Ramazan Abbasovu və s. yada salaq…

Ümumiyyətlə Rednik komandanın onurğa sütünunu yerində saxlayıb. Kamran Ağayev, Elnur Allahverdiyev,Elvin Beqiri, Ruslan Poladov,  Dieqo Souza, Rahid Əmirquliyev, Katalin Doman, Stelian Stanku, Uinston Parks, Opara Emeka - bu futbolçular hər biri öz mövqeyində söz sahibləridir. Komandanın veteranı Alim Qurbanov isə necə deyərlər "Dar günün dayağı” olaraq bütün futbolçular üçün  "mayak” rolunu oynayır.

Əsas məsələ isə ondadır ki, hələ bundan sonra "Xəzər Lənkəran” bir  neçə transfer edəcək ki,  məhz bu futbolçuların gəlişi səs küyə səbəb olacaq. Klub prezidentinin bir neçə gün öncə Antaliyaya gedərək komandanın baş məşqçisi ilə görüşdüyünü qeyd etmək də yerinə düşərdi. Bu görüşdə konkret hansı mövzunun müzakirə olunmasını anlamaq çətin deyil. Klub rəhbərliyi Mirça Rednikin qarşısında çempionluğu tələb olaraq qoyub. Avropalı Mirça da ən azı nə etdiyinin fərqindədir.  Çempionat başlayanda 20-gün ərzində yaratdığı heyətlə turnir cədvəlində ikinci pillədə yer tutan, Alim Qurbanova ikinci nəfəs verən, qeyri adi məşqləri ilə diqqət çəkən, klubda və komandada gözəl ab hava yaradan   Rednikə inanmağa dəyər.