Hər iki komandanın futbolçularına gözəl oyuna görə təşəkkür edirik.

Ev sahibi olan  "Neftçi”nin futbolçuları "Böyük oyun” a hazır olduqlarını göstərdilər. Paytaxt klubu bu oyuna  həm fan klublar həm də futbolçular cəhətdən çox yüksək səviyyədə hazırlaşmışdı.

 Qonaq komanda olan "Xəzər Lənkəran”ın futbolçuları isə "Böyük oyun”a yox adi bir oyuna çıxmış görüntüsü yaratdılar. Bununla belə "Xəzər Lənkəran”ın futbolçuları rəqibdən daha güclü olduqlarını sübut etdilər. Transferlərin özünü doğrultmasını indidən demək olar. Görünür bizim futbolçular "Neftçi” ilə oyunun azarkeşlər üçün nə qədər əhəmiyyətli olduğunu ola bilər tam dərk etməyiblər ki, bunun da  zamanla öz həllini tapacağına ümid etmək olar. Azarkeşlərimizin arasında klubla birgə hazırlaşanlar olduğu kimi , ayrıca məhz bu oyuna hazırlaşanlar da olmuşdu.

"Neftçi”nin cəbhəsində hamılıqla düşünülmüş formada bu oyuna hazırlıqlar gedən zaman, bizim cəbhədəki hazırlıqlarda  pərənçilik  olduğunu da  deməliyik.

Eyni zamanda onu da qeyd etməliyik ki, "Böyük oyun”un taleyini nə "Neftçi” klubu, onun futbolçuları və  fanatları, nə də  bizim tərəfdən heç kəs həll etmədi. Bu  "Böyük oyun”,  Mirça Rednikin hesabına gözəl alındı. Onun transferləri, onun oyun quruluşundakı  qeyri adiliyi  yüksək qiymətləndirmək lazımdır.  Səfər oyununda ev sahibi "Neftçi”ni öz diqtəsi ilə istədiyi oyuna məcbur edən  Mirça Rednik  yüksək məşqçilik səviyyəsini nümayiş etdirdi.