Azərbaycanın milli qəhrəmanı şəhid Mübariz İbrahimovun xatirəsinə həsr olunan futzal turnirinin açılış mərasimində iştirak etdik. Düzü açılış mərasiminin belə möhtəşəm olacağını gözləmirdik. Azərbaycanda fəaliyyət göstərən bütün telekanlların Lənkəran nümayəndəlikləri orada idi. Onlardan əlavə kamera və fotoaparatlarla həvəskar çəkilş aparanlar 1000-yaxın tamaşaçının içində epizod yaxalamaq cəhdləri ilə fərqlənirdilər. Elə biz də bacardığımızı etməyə çalışırdıq. Beləliklə möhtəşəm açılış mərasimi bir dəqiqəlik sükutla başlandı. Ardıyca qonaqlar çıxış etdilər. Daha sonra açlış oyununda iştirak edən iki komanda meydana daxil oldu. Açılış törənində ən çox maraqlı məqam da o zaman baş verdi. Hər iki komandanın üzvləri işğal altında olan rayon və şəhərlərimizin adları yazılmış bannerləri başları üzərinə qaldırdılar. Bu vaxt Olimpiya kompleksinə toplaşan insanlar hamılıqla ayağa qalxaraq futbolçuların bu hərəkətini alqışla qarşıladılar.

Hər iki komandanın heyətində Lənkəranın tanınmış futbolçularını görüncə gözəl və maraqlı oyunun baş tutacağını anlamaq çətin deyildi. Elə  ilk hissədəki baxımlı oyun kompleksin tribunalarına toplaşanların alqışları ilə davam edirdi...

 Biz məlumatları saytımızda təqdim etmək  üçün Olimpiya kompleksindən şəhər istiqamətində yola düzəldik...

İnformasiya dəstəyinin bizim sayt vasitəsi ilə həyata keçirilmədiyindən təşkilatçılardan ilk oyunda çıxış edən  iki komandanın və açlışı günündə keçiriləcək daha 3-oyununda meydana çıxacaq komandalarının adlarını və turnirin təqvimi barədə məlumat almağa cəhd etmədik.