Bu gün "12cioyuncu.com” saytında son günlər "Simurq” və "Turan” azarkeşləri arasında bir inciklik yarandığı haqda məlumat verilib. Məlumatda həmçinin "Simurq” azarkeşlərinin ölkəmizdə top qovan və etdiyi hərəkətlərlə Azərbaycan futboluna            demək mümkünsə, "kölgə salan” aşağı səviyyəli legionerlər barədə müraciət də yer alır.

            Bu məlumatla tanış olduqdan sonra heç bir Azərbaycan klubunun azarkeşlərinin bir-biri ilə nifaq həddinə çata biləcək münasibətləri yaranmasın deyə, fanklubumuzun üzvləri və eyni zamanda "12ci”lərlə məsləhətləşmədən sonra "Bosman” fanklubu aşağıdakı təkliflə çıxış etmək qərarına gəldi. Aşağıda sizi təkliflə tanış edərək münasibət bildirməyinizi xahiş edirik .

            Əvvəla "Simurq" və Turan" azarkeşlərini salamlayırıq. Hər iki klubun Azərbaycan futbolunda öz yeri olduğunu bildiririk. Belə hallara biz də etiraz edirik. Amma bu futboldu. Futbolda müəyyən arzuolunmaz hallar həmişə olur. Buna görə hər iki Azərbaycan klubunun azarkeşlərinin bir-birindən inciməməsini istəyirik. Müraciətdə də vurğuladığınız kimi, bütün pisliklər və yaxşılıqlar burada qalacaq. Bizlər də Azərbaycan torpağının övladları olduğumuz üçün bunların fərqində olmalıyıq. Azərbaycan klublarının azarkeşləri belə hallara görə bir-birlərindən inciməməlidirlər.

          Gəlin bütün klubların azarkeşləri bu yeni il ərəfəsində bütün umu-küsülükləri kənara qoyaq. "Xəzər lənkəran" azarkeşlərinin dostluq təcrübəsini önə çəkərək biz buradan həm "Simurq", həm "Turan" və həm də bütün klubların azarkeşlərinə müraciət edərək onu bildirmək istəyirik ki, mənfi halların baş verməməsi üçün "Azərbaycan Azarkeşlərinin Dostluq Körpüsü" (AADK) formasında bir birlik yaradaq. Bu birlik zənnimizcə gözəl effekt verməklə yanaşı həm də çox xoşagəlməz halların qarşısını ala bilər.

           Xahiş edirik ki, bütün klubların azarkeşləri bu məsələyə münasibət bildirsinlər. Təkliflərini elə bu saytda verməklə müzakirələrə qoşulsunlar. "12-ci oyunçu" azarkeş qrupu da saytda bu mövzu ilə əlaqədar imkanlar yaratsın.

Təklifi "Bosman" fanklubu irəli sürür və  "12-ci oyunçu" azarkeş qrupuna həvalə edir.

"Bosman" fanklubu 24.12.2010

QEYD : "Bosman” fan klubunun təklifini bəyənərək saytımızda bu mövzunu azarkeşlərə təqdim edirik. 

"12-ci oyunçu” azarkeş qrupu olaraq istənilən məntiqli təklifi qəbul edir və ümumi azarkeş istəyinə uyğun olaraq belə bir təklifi həyata keçirməyə hazır olduğumuzu bildiririk. Sayt izləyicilərinin də münasibət bildirməsini istərdik.