Bu gün səhər saytımızın elektron ünvanına məktub daxil olub.Məktubu olduğu kimi təqdim edirik.
Hörmətli 12cioyuncu.com saytının idarəçiləri.Yarandığımız ilk gündən məhz siz bizim mətbuata çıxışımıza şərait yaratmısız.O səbəbdən də yenə sizin köməyinizə ehtiyacımız var.Xahiş edirik ki,məktubumuzu olduğu kimi saytda verəsiniz.Qabaqcadan təşəkkür edirik.
Fəaliyyətimiz bundan sonra haqsızlıqlara etiraz etmək və ölkə futboluna rəhbərlik edənlərin “Neftçi”nin köynəyindən çıxaraq çirkin əməllərinin qismən də olsa qarşısını almaq olacaq.Ötən futbol mövsümündə may ayının 1-də Bakı şəhəri Bakıxanov adına stadionda keçirilən “Neftçi” - “Xəzər Lənkəran” oyunu öncəsi biz “Neftçi” fanatlarına son bir dəfə də şans verdik.
Biz həmin oyunda iştirak etməməklə baş verə biləcək qarşıdurmaların qarşısını aldıq.Lakin onlar yenə də pis niyyətlərindən əl çəkmədilər. “Xəzər Lənkəran” komandasının avtobusuna hücum edərək,avtobusun şüşələrini sındırdılar.Hətta bununla da kifayətlənməyib “Neftçi”nin digər komandalarla oyunlarında “Xəzər şərəfsiz” şüarını yenə də səsləndirdilər.Bütün bunları nəzərə alaraq “AntiNeftçi” hərakatı olaraq təşkilatlanaraq üzvlərimizin sayını artırdıq.Hal hazırda sıralarımızda 300-ədalətsevər vardır.
“AntiNeftçi” hərakatı olaraq sentyabrın 25-də Lənkəranda keçiriləcək “Xəzər Lənkəran” – “Neftçi” oyununa hazırlıqlara start verdik.Bu oyunda “Neftçi” fanatlarının iştirak etməməsini istəyirik.Əgər onlar Lənkərana gələrlərsə baş verəcək hadisələrə görə biz məsuliyyət daşımırıq.
Lənkəran sakinlərinin təhqiri, etnik ayrıseçkilik şüarları və nəhayət sevimli komandamız haqda səsləndirilən iyrənc şüarlara cavab olaraq “Neftçi” fanatları üçün sürprizlər hazırlamışıq. “Neftçi” fanatları və “Neftçi” klubu sentyabrın 25-dən sonra ağ-qara rənglərinin digər mənalarından nə olduğunu biləcəklər.
[/l]